الماتىدا باسى كەسىلگەن ەكى پوليتسيا قىزمەتكەرىنىڭ مۇردەسى تابىلدى

كومەنداتۋرا حابارىنا سايكەس، ساعات 13-00-دەگى مالىمەتتەر بويىنشا قالادا تەررورشىلاردىڭ قولىنان قۇقىق قورعاۋ ورگاندارىنىڭ 353 قىزمەتكەرى زارداپ شەگىپ، 13 قۇقىق قورعاۋشى قازا تاپتى. ولاردىڭ ىشىندە ەكەۋىنىڭ مۇردەسى باسى كەسىلگەن كۇيىندە تابىلدى. كومەنداتۋرانىڭ اتاپ وتۋىنشە، ءدال وسى جايت الماتىعا شابۋىلداعان باندىلاردىڭ ءىس- ارەكەتى تەروريستىك جانە ەكسترەميستىك سيپاتتا ەكەندىگىن تىكەلەي دالەلدەيدى.

بۇگىن تاڭەرتەڭ اتىس قارۋمەن قارۋلانعان بانديتتەر توبى الماتىداعى №1 جانە №7 كوبەيىندى كلينيكالىق اۋرۋحاناسىن قورشاۋعا العان. قالا كومەنداتۋراسىنىڭ اقپاراتى بويىنشا تەررورشىلار جەدەل جاردەم كولىگىمەن كەلگەن ناۋقاستاردى جانە مەديتسينا قىزمەتكەرلەرىن اۋرۋحانالارعا جىبەرمەي جاتىر.

اۆتور: مارلان جيەمباي