15:15, 06 - قاڭتار 2022 | GMT +5
دەنساۋلىق ۆيتسە-ءمينيسترى قازاقستاندىقتارعا ۇندەۋ جاسادى
نۇر-سۇلتان. قازاقپارات - قازاقستان اۋرۋحانالارى كۇشەيتىلگەن رەجيمدە جۇمىس ىستەپ تۇر.
بۇل تۋرالى ق ر دەنساۋلىق ساقتاۋ ۆيتسە-ءمينيسترى اجار عينايات ءمالىم ەتتى، دەپ حابارلايدى قازاقپارات ءتىلشىسى.
«حابار 24» تەلەارناسىنا سۇحبات بەرگەن ۆيتسە-ءمينيستردىڭ اتاپ وتۋىنشە، رەسپۋبليكا اۋرۋحانالارى كۇشەيتىلگەن رەجيمدە جۇمىس ىستەپ تۇر. زارداپ شەككەندەرگە مەديتسينالىق كومەك تولىق كولەمدە كورسەتىلىپ جاتىر. بۇل رەتتە نەگىزگى جۇكتەمە حيرۋرگيالىق بلوك پەن جانساقتاۋ بولىمىنە ءتۇسىپ وتىر.
«مەديتسينا قىزمەتكەرلەرىنىڭ جۇمىسىنا جانە ولاردىڭ كاسىبي مىندەتتەرىن ورىنداۋىنا كەدەرگى كەلتىرمەۋدى وتىنەمىز. سونىمەن قاتار ءولىم- ءجىتىمنىڭ جانە ادامداردىڭ دەنساۋلىعىنا اۋىر نۇقسان كەلۋىنىڭ الدىن الۋ ماقساتىندا جەدەل جاردەم كولىكتەرىنىڭ مەديتسينالىق كومەكتى جەدەل كورسەتۋىنە جاردەمدەسىڭىزدەر ءارى كومەكتەسىڭىزدەر»، - دەدى اجار عينايات.
اۆتور: مارلان جيەمباي
