ەلىمىزدەگى بانكتەر قانداي رەجيمدە جۇمىس ىستەپ جاتىر؟
نۇر-سۇلتان. قازاقپارات - قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى مەن قازاقستان ۇلتتىق بانكى بارلىق قارجى ۇيىمدارىنىڭ، سونىڭ ىشىندە ەكىنشى دەڭگەيلى بانكتەردىڭ شتاتتىق رەجيمدە جۇمىس ىستەپ جاتقانىن حابارلادى.
«ەكىنشى دەڭگەيلى بانكتەر) بارلىق بانكتىك قىزمەتتەرى - جالاقى مەن زەينەتاقىنى، جاردەماقىلاردى ەسەپتەۋ جانە الۋ، ولاردى بانكوماتتار ارقىلى شەشۋ سەكىلدى بانك قىزمەتتەرى ۇزدىكسىز جۇمىس ىستەپ تۇر. قارجى ۇيىمدارىنا تيەسىلى بانكوماتتار مەن تەرمينالدار قولما- قول اقشامەن تولىق قامتاماسىز ەتىلگەن. قازىرگى ۋاقىتتا ينتەرنەت جەلىسىندەگى جالپى ىركىلىستەرگە بايلانىستى بانك قوسىمشالارى مەن تولەم تەرمينالدارىنىڭ جۇمىسىندا ۋاقىتشا كىدىرىس بار. الەۋمەتتىك جەلىلەر مەن مەسسەندجەرلەردە تاراپ جاتقان - نەسيەلەردى ەسەپتەن شىعارۋ تۋرالى اقپاراتتىڭ شىندىققا سايكەس كەلمەيتىنىن رەسمي تۇردە حابارلايمىز»، - دەلىنگەن حابارلامادا.
قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى مەن قازاقستان ۇلتتىق بانكى ازاماتتار مەن باق وكىلدەرىن تەك رەسمي اقپارات كوزدەرىنە سۇيەنۋگە شاقىرادى.
كەڭسەلەر مەن فيليالداردىڭ جۇمىسىنا قاتىستى تولىعىراق اقپاراتتى بانكتەردىڭ Call-ورتالىقتارىنان بىلۋگە بولادى
كەڭەس الۋ ءۇشىن، سونداي- اق قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگىنىڭ 77272371000+ Call-ورتالىعىنا جانە قازاقستان ۇلتتىق بانكىنىڭ 1477 قىسقا ءنومىر بويىنشا بايلانىس-ورتالىعىنا حابارلاسۋعا بولادى.
