جاڭاوزەندەگى جاعداي: ماڭعىستاۋ وبلىسىنا ەرالى توعجانوۆ بارادى
نۇر- سۇلتان. قازاقپارات - ماڭعىستاۋ وبلىسىنداعى الەۋمەتتىك- ەكونوميكالىق جاعدايدى قارايتىن ۇكىمەتتىك كوميسسيانى ق ر پرەمەر- ءمينيسترىنىڭ ورىنباسارى ەرالى توعجانوۆ باسقاراتىن بولدى، دەپ حابارلايدى قازاقپارات ءتىلشىسى.
بۇل تۋرالى ق ر پرەمەر- ءمينيسترىنىڭ باسپا ءسوز قىزمەتى حابارلادى.
«كوميسسيانى ە. توعجانوۆ باسقارادى. ەرتەڭ تاڭەرتەڭ ق ر پرەمەر- ءمينيسترىنىڭ ورىنباسارى ە. ل. توعجانوۆ، ق ر ەنەرگەتيكا ءمينيسترى م. م. مىرزاعاليەۆ جانە باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى س. م. جۇمانعارين اقتاۋعا ۇشادى»، - دەلىنگەن حابارلامادا.
بۇعان دەيىن ق ر پرەمەر- ءمينيسترى اسقار ماميننىڭ وكىمىمەن ماڭعىستاۋ وبلىسىنداعى الەۋمەتتىك- ەكونوميكالىق جاعدايدى قاراۋ ءۇشىن ۇكىمەت كوميسسياسى قۇرىلعانىن جازعان بولاتىنبىز.
ەسكە سالساق، مەملەكەت باسشىسى قاسىم- جومارت توقايەۆ Twitter- دەگى سۇيىتىلعان گاز باعاسىنان باستالعان پاراقشاسىندا جاڭاوزەندەگى جاعدايعا قاتىستى جازبا جاريالاعان بولاتىن.
«ۇكىمەتكە جاڭاوزەندەگى جاعدايدى ەكونوميكالىق تۇرعىدان ەسكەرىپ، قۇقىقتىق جاعىنان تەز ارادا قاراستىرۋدى تاپسىردىم. شەرۋگە شىققاندار قوعامدىق ءتارتىپتى بۇزباۋى ءتيىس. ازاماتتاردىڭ جەرگىلىكتى جانە ورتالىق بيلىك ورگاندارىنا تالابىن اشىق ايتۋعا قۇقىعى بار، ءبىراق، بۇل زاڭعا، ناقتىراق ايتقاندا، بەيبىت شەرۋلەر تۋرالى زاڭعا سايكەس جۇزەگە اسىرىلۋى كەرەك»، دەلىنگەن جازبادا.
اۆتور: ەسىمجان ناقتىباي
