10:48, 03 - قاڭتار 2022 | GMT +5
ءۇرجارداعى تويدا وق اتقاندار تۇتقىندالدى
نۇر- سۇلتان. قازاقپارات - ءۇرجارداعى تويحانادا وق جاۋدىرعان ازامات ۇستالدى، دەپ حابارلايدى حابار 24.
ونى تۇتقىنداۋ ساتىندەگى بەينەماتەريال الەۋمەتتىك جەلىدە تارالدى. كۇدىكتىنى ءتىنتۋ كەزىندە سۋىق قارۋ تاركىلەنگەن. ال ەكىنشى كۇدىكتى ءالى ىزدەستىرىلىپ جاتىر. كەشە شىعىس قازاقستان وبلىسى ءۇرجار اۋدانىندا توي ءوتىپ جاتقان مەيرامحاناعا قارۋلانعان ەكى ادام باسىپ كىرىپ، بىرنەشە رەت وق اتقان. ىلە شالا وقيعا ورنىنان ءىزىن سۋىتقان. ادام شىعىنى جوق. پوليتسيا «بۇزاقىلىق» بابى بويىنشا سوتقا دەيىنگى تەرگەۋدى باستادى.
ايتا كەتۋ كەرەك، بۇعان دەيىن 31- جەلتوقسان كۇنى شىعىس قازاقستانداعى تويحانالاردىڭ بىرىندە مەرەكەلىك كەشتىڭ ۇستىندە بەلگىسىز بىرەۋلەر وق اتقان.
