ق ر ءى ءى م ەل تۇرعىندارىنا ەسكەرتۋ جاسادى

«كليماتتىق وزگەرىستەر، كولىك اعىنىنىڭ ۇلعايۋى، جول كورىنىسىنىڭ قيىنداۋىمەن قاتار قىس مەزگىلىندە كۇن ساۋلەسىنىڭ جەتىسپەۋىنە بايلانىستى جولداردا قاۋىپ بىرنەشە ەسە ارتادى. ءى ءى م قىسقى جولمەن ءجۇرۋ كەزىندە مىناداي تالاپتاردى ەسكە سالادى:

(كوكتايعاقتا، جاڭادان جاۋعان قاردا، تاپتالعان قاردا) قاشىقتىقتى، بۇيىرلىك ارالىقتى، جىلدامدىق رەجيمىن قاتاڭ ساقتاۋ، سونداي-اق كەنەتتەن تەجەۋگە جول بەرمەۋ قاجەتتىگىن ەستە ساقتاعان ءجون. كۇن رايى جانە جولداردى جابۋعا قاتىستى اقپاراتتاردى نازاردا ۇستاۋ قاجەت»، - دەلىنگەن حابارلامادا.

سونداي-اق مينيسترلىك تاراتقان دەرەكتەرگە قاراعاندا، كۇن رايىنىڭ قولايسىزدىعىنا بايلانىستى قىستىڭ باسىندا جول-كولىك وقيعالارىنىڭ سانى كۇرت ءوستى.

وتكەن تاۋلىكتە ەلىمىزدە 24 كولىپ اپاتى تىركەلگەن، وندا 2 ادام قازا تاۋىپ، 29 ادام جاراقات الدى.