ەۋروپا ەلدەرى كارانتين شارالارىن كۇشەيتتى

بۇل جاڭا وميكرون شتامىنىڭ تارالۋىنا قارسى ۇكىمەت ەنگىزگەن جاڭا شەكتەۋلەردىڭ ءبىرى، دەپ حابارلايدى قازاقپارات euronews-كە سىلتەمە جاساپ.

سوڭعى ەكى كۇندە فرانسيادا اۋرۋ جۇقتىرعاندار سانى ءبىر تاۋلىكتە 200 مىڭ ادامنان اسادى.

انگليا اۋرۋحانالارىندا مەرەكە كەزىندە اۋرۋدىڭ ءورشۋ ىقتيمالى جوعارى بولاتىندىقتان، ۋاقىتشا بولىمدەر اشىلىپ جاتىر.

ۇلى بريتانيادا COVID-19 انىقتايتىن تەستتەر جەتىسپەۋدە. سوڭعى تاۋلىكتەردە وندا 189 مىڭ ادامنىڭ اۋرۋعا شالدىققانى تىركەلدى.

مۇنداي جاعداي يتاليادا دا بايقالۋدا. بەيسەنبى كۇنى وندا 127 مىڭ COVID-19 جاڭا جاعدايى راستالدى. بۇل ءبىر كۇن بۇرىنعى كورسەتكىشتەن %30- عا جوعارى. جاڭا جىلدى تويلاۋ تەك قانا قۋانىش ەمەس، اۋرۋدىڭ جاڭا تولقىنىن دا اكەلۋى مۇمكىن.

گەرمانيادا كوپتەگەن جاڭا جىلدىق شارالار توقتاتىلدى، اۋىرعاندار سانى 42 مىڭعا جەتكەندىكتەن وتشاشۋ ساتۋعا تىيىم سالىندى.

يسپانيادا، سونىمەن قاتار، COVID-19 اۋرۋىنىڭ وسۋىنە بايلانىستى جۇزدەگەن ادام جاڭا شەكتەۋلەرگە نارازىلىق ءبىلدىرۋ ءۇشىن بارسەلونا كوشەلەرىنە شىقتى - كاتالونيادا كومەندانتتىق ساعات ورناتىلدى جانە بارلىق جاڭا جىلدىق شارالار توقتاتىلدى.