ساۋل «كانەلونىڭ» باپكەرى گولوۆكينمەن جەكپە-جەك تۋرالى مالىمدەدى

نۇر-سۇلتان. قازاقپارات - ەكىنشى ورتا سالماقتا الەمنىڭ ابسوليۋت چەمپيونى ساۋل «كانەلو» الۆارەس (57-1-2، 39 ك و) قازاقستاندىق گەننادي گولوۆكينمەن (41-1-1، 36 ك و) ءۇشىنشى رەت جەكپە-جەك وتكىزگىسى كەلەدى.

بۇل تۋرالى Boxingscene.com پورتالىنا مەكسيكالىق بوكسشىنىڭ باپكەرى ەددي رەينوسو مالىمدەدى، دەپ حابارلايدى Vesti.kz.

«چەمپيون رەتىندە ءبىز ەڭ مىقتىلارمەن ايقاسۋعا تىرىسۋىمىز كەرەك. بەلبەۋى بار بوكسشىلارمەن، جانكۇيەرلەر كۇتەتىن جەكپە-جەكتەر. ءبىز دجەرمالل چارلو (WBC چەمپيونى) جانە گولوۆكينمەن جۇدىرىقتاسقىمىز كەلەدى»، - دەيدى مامان الۆارەستىڭ ورتا سالماقتا شىققىسى كەلەتىن قارسىلاستارىن اتاپ.