مۇحتار تىلەۋبەردى ق ح ر ۇكىمەتىنىڭ ەۋرازيا ەلدەرى ىستەرى جونىندەگى ارنايى وكىلىمەن كەزدەستى
نۇر-سۇلتان. قازاقپارات - قازاقستان پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى ق ح ر ۇكىمەتىنىڭ ەۋرازيا ەلدەرى ىستەرى جونىندەگى ارنايى وكىلى لي حۋەيمەن كەزدەسۋ وتكىزدى، دەپ حابارلايدى قازاقپارات ق ر س ءى م رەسمي سايتىنا سىلتەمە جاساپ.
م. تىلەۋبەردى 2022-جىلى قازاقستان مەن قىتاي اراسىنداعى بۇگىنگى تاڭدا جان-جاقتى ستراتەگيالىق سەرىكتەستىك دەڭگەيگە جەتكەن ديپلوماتيالىق قارىم-قاتىناستىڭ ورناعانىنا 30 جىل تولاتىنىن اتاپ ءوتتى.
وسى كەزەڭدە ەكى ەل اراسىندا ساياسي سەنىم مەن ىسكەرلىك ارىپتەستىك ورناتىلدى، بارلىق شەكارا ماسەلەلەرى رەتتەلدى جانە قوماقتى شارتتىق-قۇقىقتىق بازا قۇرىلدى. ءوز كەزەگىندە لي حۋەي قازاقستانمەن ستراتەگيالىق سەرىكتەستىك قىتايدىڭ سىرتقى ساياساتىنداعى باسىم باعىتتاردىڭ ءبىرى بولىپ تابىلاتىنىن مالىمدەدى.
ەكى ەل اراسىنداعى قاتىناستار تىعىز سىندارلى ديالوگ پەن ءوزارا ءتيىمدى ىنتىماقتاستىققا نەگىزدەلەدى.
ب ۇ ۇ، ش ى ۇ جانە ا و س ش ك شەڭبەرىندە ەكى ەلدىڭ تىعىز ءوزارا ءىس-قيمىلى جۇزەگە اسىرىلۋدا. سونداي-اق، ق ر مەن ق ح ر اراسىنداعى جۇك تاسىمالىن كەڭەيتۋ جانە ادام الماسۋدى قالپىنا كەلتىرۋ مۇمكىندىكتەرى بويىنشا پىكىر الماسىلدى.
تاراپتار اتالعان ماسەلەلەردى تەز ارادا شەشۋگە باعىتتالعان تىعىز بىرلەسكەن جۇمىسقا ءوزارا بەيىلدىلىگىن راستادى.
