رونالدۋدىڭ ءۇندىستانداعى مۇسىنىنە جەرگىلىكتى حالىق نارازى
رونالدۋدىڭ ءمۇسىنى گوا شتاتى كالانگۋت قالاسىندا ورناتىلعان. التىن تۇسپەن جالاتىلعان تاس ءمۇسىننىڭ سالماعى - 410 كەلى. ال ونى جاساۋعا 16 مىڭ ا ق ش دوللارى جۇمسالعان.
«كريشتيانۋ رونالدۋدىڭ ءمۇسىنى ءۇندىستان جەرىندە العاش رەت ورناتىلىپ وتىر. جەرگىلىكتى جاستاردىڭ سۇرانىسىمەن جانە ەلىمىزدە فۋتبولدى دامىتۋ ماقساتىندا وسىنداي قادامعا باردىق»، - دەدى گوانىڭ ءبىلىم جانە تەحنولوگيا ءمينيسترى مايكل لوبو Twitter- دەگى پاراقشاسىندا.
الايدا جەرگىلىكتى حالىق ءمۇسىن ورناتىلعانىنا نارازى. باسىلىم مالىمەتىنشە، ونىڭ باستى سەبەبى 1961 -جىلعا دەيىن گوا شتاتى پورتۋگاليانىڭ كولونياسى بولعان.
