قازاقستاندا بالالار ءتولقۇجاتىنىڭ قولدانۋ مەرزىمىن قىسقارتۋ ۇسىنىلدى

«بالالارعا ارنالعان ءتولقۇجات بەرۋدە حالىقارالىق تاجىريبەنى ەسكەرە وتىرىپ، ونىڭ مەرزىمىن قىسقارتۋدى ۇسىنامىز. سەبەبى بالالاردىڭ سىرتقى كەلبەتى تەز وزگەرەدى. ياعني بالالار ءتولقۇجاتىن 12 جاسقا دەيىن ەمەس، 5 جاسقا دەيىن ەتىپ بەرىپ، سودان سوڭ قايتا اۋىستىرسا. 12 جاستان 16 جاسقا دەيىن بەرىلەدى. ودان ءارى ءتولقۇجات پەن جەكە كۋالىكتىڭ جارامدىلىعى ادەتتەگىدەي 10 جىل بولىپ قالا بەرەدى. سونىمەن قاتار كامەلەتكە تولماعان بالالارعا بەرىلەتىن ءتولقۇجات ءۇشىن مەملەكەتتىك باج سالىعىن 8 ا ە ك- تەن (23336 تەڭگە) 4 ا ە ك- كە (11668 تەڭگە) دەيىن تومەندەتۋ ۇسىنىلادى»، - دەدى ق ر پارلامەنتى ءماجىلىسىنىڭ دەپۋتاتى ەرلان سمايلوۆ ءماجىلىستىڭ زاڭناما جانە سوت- قۇقىقتىق رەفورما كوميتەتىنىڭ وتىرىسىندا جاساعان بايانداماسىندا.

ونىڭ ايتۋىنشا، قازاقستاندىقتار جىل سايىن 600-700 مىڭ ءتولقۇجات راسىمدەيدى ەكەن. ونىڭ % 20- ى بالالار ءتولقۇجاتى.

«سوڭعى 5 جىل ىشىندە ەلىمىزدە 3035956 ەرەسەك ازاماتتارعا ارنالعان ءتولقۇجات جانە 610061 بالالار ءتولقۇجاتى دايىندالىپتى. بالالار ءتولقۇجاتىنىڭ مەرزىمىن قىسقارتۋعا قاتىستى جوعارىدا ايتىپ وتكەنىمدەي، ولاردىڭ سىرتقى كەلبەتى تەز وزگەرەدى. ياعني بالا تەز وسەدى دە، 2-3 جىلدان كەيىن ءتولقۇجاتتاعى سۋرەتى، ءدال سول كەزدەگى تۇرىنە سايكەس كەلمەي جاتادى. سول سەبەپتى كەيدە اتا- انالارعا جاڭا ءتولقۇجات جاساتۋعا تۋرا كەلەدى. بۇل اتا- انانىڭ قالتاسىنا جۇك تۇسىرەدى، اسىرەسە وتباسىندا 2-3 بالا بولسا»، - دەيدى ول.

اۆتور: ءالي يبرايەۆ