قازاقستانعا «سپۋتنيك لايت» ۆاكسيناسى قاشان جەتكىزىلەدى

«جەتكىزۋشىلەرمەن كۇندەلىكتى كەلىسسوز جۇرگىزىلىپ جاتىر. «سپۋتنيك لايت» بويىنشا الدىن الا كەلىسسوز جاسالدى. ازىرشە، 2020 -جىلدىڭ ءبىرىنشى توقسانىندا شامامەن 1 ميلليون دوزا جەتكىزىلەدى»، - دەدى كوميتەت ءتوراعاسى ۇكىمەت وتىرىسىنان كەيىن ب ا ق وكىلدەرىنىڭ ساۋالىنا وراي.

ونىڭ اتاپ وتۋىنشە، الدىن الا ۋاعدالاستىققا سايكەس جەلتوقسان ايىنىڭ سوڭىندا نەمەسە قاڭتار ايىنىڭ باسىندا «سپۋتنيك لايت» ۆاكسيناسىنىڭ 150 مىڭ دوزاسى قازاقستانعا جەتكىزىلمەك.

ايتا كەتەيىك، ۇكىمەت وتىرىسىندا ق ر دەنساۋلىق ساقتاۋ ءمينيسترىنىڭ مىندەتىن اتقارۋشى جاندوس بۇركىتبايەۆ جاپپاي رەۆاكسيناتسيا جۇرگىزۋدى تەزدەتۋ قاجەتتىگىن ايتقان بولاتىن.

«رەۆاكسيناتسياعا 9,2 ميلليون ادام جاتادى. ونىڭ ىشىندە 400 مىڭنان استام ادام رەۆاكتسيناتسيادان وتكەن. ونى جاساۋ ءۇشىن ۆاكسينانىڭ جەتكىلىكتى كولەمى بار. وسى جىلعى جەلتوقساننان باستاپ 2022 -جىلعى ءبىرىنشى توقسان اراسىندا ۆاكسينانىڭ 5 ميلليون دوزاسى جەتكىزىلەدى دەپ جوسپارلاندى»، - دەدى جاندوس بۇركىتبايەۆ.

اۆتور: مارلان جيەمباي