سالوننان العان جاڭا كولىكتەردى ەسەپكە قويۋ ۋاقىتشا توقتاتىلدى
نۇر- سۇلتان. قازاقپارات – ق ر قارجى مينيسترلىگىنىڭ مەملەكەتتىك كىرىستەر كوميتەتىنىڭ بازاسىنداعى تەحنيكالىق اقاۋعا بايلانىستى سالوننان ساتىپ الىناتىن جاڭا اۆتوموبيلدەردى تىركەۋ مۇمكىن بولماي تۇرعانىن قۇلاعدار ەتتى، دەپ حابارلايدى قازاقپارات.
«مەملەكەتتىك كىرىستەر كوميتەتىنىڭ جۇمىسىنداعى اقاۋ سالدارىنان بازاداعى دەرەكتەر ح ق و- نىڭ اقپاراتتىق جۇيەسىندە كورسەتىلمەي تۇر. سوندىقتان اۆتوسالوننان ساتىپ الىناتىن جاڭا ماشينالاردى ەسەپكە قويۋ قىزمەتى ۋاقىتشا قولجەتىمسىز. جاۋاپتى ورگان تاراپىنان اقاۋدى جويۋ جۇمىستارى جۇرگىزىلىپ جاتىر»، - دەلىنگەن حابارلامادا. جۇيەنىڭ قالپىنا كەلتىرىلگەنى جانە جاڭا كولىكتەردى تىركەۋ بويىنشا قىزمەتتىڭ قايتا جۇرگىزىلە باستاعانى تۋرالى قوسىمشا حابارلاناتىن بولادى.
