تايۋان - اقىرى ۇيگە قايتىپ كەلەتىن جولاۋشى - قىتايدىڭ سىرتقى ىستەر ءمينيسترى

ساياساتكەردىڭ ايتۋىنشا، تايۋان بۇعازىندا شيەلەنىستىڭ جاڭا اينالىمى تايبەي اكىمشىلىگىنىڭ ا ق ش كومەگىمەن تاۋەلسىزدىككە جەتۋگە ارەكەتتەنۋىنە بايلانىستى.

ەستەرىڭىزگە سالايىق، بەيجىڭ سىرتقى ساياساتىندا «ءبىر قىتاي» ۇستانىمىن قولدانادى. بۇعان سايكەس، تايۋان وسى ەلدىڭ اجىرامايتىن بولىگى بولىپ تابىلادى. اتالعان دەرەكتى 181 مەملەكەت قولدايدى، ولاردىڭ ىشىندە قازاقستان دا بار. ونى تانىعان سوڭعى ەل نيكاراگۋا، ونىمەن ديپلوماتيالىق قاتىناستار وسى ايدا قايتادان ورناتىلدى.

سيمپوزيۋم الدىندا امەريكا قۇراما شتاتتارى اكىمشىلىگىنىڭ وكىلى تايۋان توڭىرەگىندە بۇرىننان ورىن الىپ كەلگەن جاعدايدى كۇشپەن وزگەرتۋگە جول بەرمەيتىنىن جانە «بەيجىڭنىڭ تۇراقتىلىقتى بۇزۋعا باعىتتالعان ارەكەتتەرگە» جاۋاپ قايتاراتىنىن ايتتى.

ا ق ش 1979 -جىلى ارالمەن ديپلوماتيالىق قاتىناستاردى ءۇزدى، ءبىراق ءالى دە تايبەيمەن بايلانىستاردى ساقتاپ، ونى قارۋمەن قامتاماسىز ەتەدى. قىتاي حالىق رەسپۋبليكاسىنىڭ سىرتقى ىستەر ءمينيسترى ا ق ش- پەن جانە باسقا دا كەيبىر ەلدەر تايۆاندىك ماسەلەنى پايدالانىپ، قىتايدى تەجەۋ ارەكەتىنەن باس تارتۋلارى كەرەگىن ەسكەرتتى.

ۋاڭ ي، ق ح ر سىرتقى ىستەر ءمينيسترى:

- قىتاي نيكاراگۋامەن 10 كۇن بۇرىن ديپلوماتيالىق قاتىناستاردى قايتادان ورناتتى. قازىرگى كەزدە بىزبەن ديپلوماتيالىق قاتىناستاردى ورناتقان ەلدەردىڭ سانى 181 گە جەتتى. وسىلايشا «ءبىر قىتاي» ۇستانىمى حالىقارالىق قاۋىمداستىق اراسىندا ودان ءارى نىعايتىلدى. تايۋان باسقا ەلدەر پايداسىنا اسىراتىن شاحمات تاسى ەمەس، ال اقىرىندا ۇيگە ورالاتىن جولاۋشى. قىتاي مىندەتتى تۇردە قايتا قوسىلادى.

www.24.kz