جاڭا جىلعا دەيىن باعاسى وسپەي تۇرىپ نە ساتىپ الىپ ۇلگەرۋ كەرەك؟

قارجىلىق شىعىندى سانالى تۇردە جاساۋ

قارجىگەر مارات ابدۋراحمانوۆ قازاقستاندىقتارعا ءىرى ساۋدادان باس تارتۋعا جانە قارجىنى ۇنەمدەۋگە كەڭەس بەرەدى.

«جاڭا جىلدان باستاپ سالىق ءوسىپ، ەرەجەلەر وزگەرەدى. بەنزين باعاسىنىڭ ءوسۋىن جانە 2021 -جىلدىڭ 1-ساۋىرىنەن باستاپ ت ءى ج (تاۋارعا ىلەسپە جۇكقۇجات) ەنگىزىلۋىن ەسكەرە وتىرىپ، ارينە، ءبارى قىمباتتايدى. ياعني، ازىق- تۇلىك، تەحنيكا جانە قىزمەت كورسەتۋ. سوندىقتان مەن ءىرى ساۋدادان باس تارتۋدى ۇسىنامىن. ازىق- تۇلىك - بۇل قاجەتتىلىك. وكىنىشكە قاراي، ازاماتتاردىڭ ەكى پايىزدان استامى ولاردى نەسيەگە ساتىپ الا باستادى. بۇل سۇرانىس تومەندەگەنىن بىلدىرەدى. ءار وتباسى جاڭا جىل الدىندا وزىنە سىيلىق جاساعىسى كەلەدى، سوندىقتان قارجىعا ساۋاتتى قاراۋ كەرەك. قارجىلىق قور بولۋى كەرەك. ياعني، 6-ايعا جۇمسالاتىن شىعىننان كەم ەمەس جيناق»، - دەپ كەڭەس بەرەدى قازاقستاندىق قارجىگەر.

بۇل رەتتە مارات ابدۋراحمانوۆ دەنساۋلىققا كوپ كوڭىل ءبولۋدى ۇسىنادى. ساراپشى پىكىرىنشە، دەنساۋلىققا سالىنعان ينۆەستيتسيا - ەڭ سەنىمدى ءارى ءتيىمدى ينۆەستيتسيا.

قاجەتتى ساۋدانى كەيىنگە قالدىرماڭىز

قارجى تالداۋشىسى اندرەي چەبوتاريەۆ قازاقستاندىقتارعا مىندەتتى ساۋدانى مەرەكەدەن كەيىنگى كۇندەرگە قالدىرماۋعا جانە جاڭا جىلعا دەيىن قاجەتتى زاتتى الۋعا كەڭەس بەرەدى.

«ەگەر تەحنيكانى نەمەسە باسقا ءبىر نارسەنى ساتىپ الۋ تۋرالى ايتاتىن بولساق، مۇندا اركىمنىڭ جاعدايىنا بايلانىستى، ەگەر سىزدە جوندەۋ جۇمىستارى ءجۇرىپ جاتسا، كوشۋدى جوسپارلاساڭىز، ونى ءقازىر جاساعان دۇرىس. ەگەر وزىڭىزگە قاجەت نارسەنى ساتىپ الا الساڭىز، ونى ءدال قازىر جاساۋعا كەڭەس بەرەمىن. بۇگىن ول نارسە كەلەسى جىلعا قاراعاندا ارزانىراق بولادى. ءوسۋ قارقىنىنىڭ باياۋلاۋى مەن تومەندەۋىنىڭ العىشارتتارى كەلەسى جىلدىڭ اياعىنا قاراي عانا بولۋى مۇمكىن. سوندىقتان، ەگەر سىزدە مىندەتتى ساۋدا بولسا، ونى كەشىكتىرمەڭىز»، - دەپ كەڭەس بەرەدى قارجى تالداۋشىسى.

مەرەكە الدىنداعى جەڭىلدىكتەردى پايدانالۋ

قارجىگەر الماس چۋكيننىڭ پىكىرىنشە، ەڭ جاقسى ستراتەگيا - بۇل بيۋدجەتتى سانالى تۇردە جوسپارلاۋ. سونداي-اق، مەرەكە الدىنداعى جەڭىلدىكتەردى پايدالانۋ.

«بىرىنشىدەن، ينفلياتسيا ەشقاشان ارتقا جۇرمەيدى. ەگەر ءبىر نارسە قىمباتتاعان بولسا، وندا ول قىمباتتايدى. سوندىقتان ونىڭ ارزانداۋىن كۇتۋ - بۇل ەڭ ءۇمىتسىز ارەكەت. تيىسىنشە، وسىعان سۇيەنە وتىرىپ، مەن جەڭىلدىكپەن ساتىلاتىن نارسەنى الۋعا كەڭەس بەرەمىن، سوندىقتان ولاردى ەلەمەۋگە بولمايدى. جاڭاجىلدىق جەڭىلدىكتەر 31-ىنەن كەيىن دە ۇزاققا سوزىلادى. قاڭتار - بۇل ساۋدا تۇرعىسىنان ەڭ قيىن اي ەكەنىن ۇمىتپاڭىز، ويتكەنى مەرەكە كۇندەرى ادامدار ادەتتە اقشا جۇمساۋعا بەيىم بولادى»، - دەپ تولىقتىردى ساراپشى.