الەمدەگى اتاۋى بىردەي قالالار ءبىر-بىرىنەن نەسىمەن ەرەكشەلەنەدى؟

الەمدە اتتاس ادامدار عانا ەمەس، بىردەي اتالاتىن قالالار دا بار. جەر شارىندا پاريج دەپ اتالاتىن 48، ال، 20 دان استام ماسكەۋ اتتى ەلدى مەكەن بار. AdMe.ru الەم كارتاسىن ارالاپ، ءبىز بىلمەيتىن ۇقساس قالالاردى تۋرالى جازدى.

سامارا (رەسەي) جانە سامارا (كوستا-ريكا)

ەدىل بويىنداعى سامارا قالاسىنىڭ الىستاعى ورتالىق امەريكادا «ەگىزى» بار. سامارا — اكىمشىلىك ورتالىعى بولىپ تابىلاتىن كوستا-ريكانىڭ گۋاناكاستە پروۆينتسياسىنداعى اۋدانداردىڭ ءبىرى. ول تولقىندى جانە قۇمدى جاعاجايلارى ارقىلى الەمنىڭ تۇكپىر-تۇكپىرىنەن تۋريستەردى وزىنە قىزىقتىرادى.

پاريج (فرانسيا) جانە پاريج (ا ق ش، تەحاس)

ونەر مەن ءسان-سالتاناتتىڭ ورداسى سانالعان فرانسيا استاناسى - پاريج الەمگە ءمالىم. ءبىراق، ا ق ش- تا دا وسى اتتاس قالا بار. جەرگىلىكتى تۇرعىندار تەحاستاعى بۇل قالانى «الەمدەگى ەكىنشى ۇلكەن پاريج» دەپ اتايدى. قالانىڭ پاريجدەگىدەي ەيفەل مۇناراسى بار. ءبىراق ول فرانسياداعى مۇنارادان الدەقايدا كىشكەنتاي - بيىكتىگى 20 مەتر.

لوندون ( ۇلى بريتانيا) جانە لوندون (كانادا)

امەريكا كونتينەنتىنىڭ ءوز لوندونى بار. بۇل اتاۋ ⅩⅨ عاسىردىڭ باسىندا جوعارعى كانادانىڭ استاناسى بولۋى كەرەك بولعان شاعىن ەۋروپالىق ەلدى مەكەنگە بەرىلدى. ايتپاقشى، ۇلى بريتانياداعى لوندون تەمزا وزەنىنىڭ جاعاسىندا بولسا، كاناداداعى لوندون قالاسىنىڭ جانىنان اعىپ وتەتىن وزەن دە «تەمزا» دەپ اتالادى.

سانكت-پەتەربۋرگ (رەسەي) جانە سانكت-پەتەربۋرگ (ا ق ش، فلوريدا)

بۇل امەريكالىق قالاشىقتىڭ نەگىزىن سالۋشىلار قالاعا اتاۋ بەرۋ تۋرالى كەلىسىمگە كەلە الماي، اركىم ءوز يدەياسىن ۇسىنعان. داۋدى شەشۋدە لوتەرەيا مونەتاسى كومەككە كەلگەن. جەڭىمپاز ورىس اقسۇيەگى پەتر دەمەنتيەۆ بولعان. ول كۋرورتتى قالانى نيەۆا وزەنىنىڭ بويىنداعى قالانىڭ قۇرمەتىنە اتاۋدى ۇسىنعان.

سيدنەي (اۆستراليا) جانە سيدنەي (كانادا)

اۋستراليا مەن كانادانىڭ سيدنەيلەرى اعىلشىن لوردى توماس سيدنەيدىڭ قۇرمەتىنە اتالعان. سونىمەن قاتار، امەريكا كونتينەنتىندەگى قالا كەنگۋرۋ ەلىندەگى قالادان 3 جىل بۇرىن قالىپتاسقان.

بارسەلونا (يسپانيا) جانە بارسەلونا (ۆەنەسۋەلا)

ءيا، جەر بەتىندە تاعى ءبىر بارسەلونا بار، ءبىراق يسپانيا قالاسىنداعى ساۋلەتشى گاۋديدىڭ جاۋھارلارى بۇل قالادا جوق. ۆەنەسۋەلاداعى بۇل ەلدى مەكەندى كاتالونيادان كەلگەن يمميگرانتتار قالاعان، ولار العاشىندا قالانى «جاڭا بارسەلونا» دەپ اتاعان. ءبىراق ۋاقىت وتە كەلە الەم كارتاسىندا يسپانيانىڭ ەڭ ءىرى قالالارىنىڭ ءبىرىنىڭ كوشىرمە اتاۋى پايدا بولدى.

رابات (ماروككو) جانە رابات (مالتا)

ارابتار ءمادينا ارالىنىڭ كونە استاناسىن ەكىگە بولگەندە مالتاداعى رابات قالاسى پايدا بولدى. كەيىنىرەك ول يۋنەسكونىڭ بۇكىل الەمدىك مۇرا نىسانىنا اينالدى.

وش (وش) (قىرعىزستان) جانە وش (وش) (فرانسيا)

قىرعىزستان مەن فرانسيا بۇل قالالاردىڭ اتىن بولىسپەيدى. وش - ورتالىق ازياداعى ءىرى قالا جانە قىرعىزستاننىڭ وڭتۇستىك استاناسى. ونىڭ ەۋروپاداعى اتتاسى - بىرنەشە ونداعان مىڭ فرانسۋزدار تۇراتىن شاعىن كوممۋنا.

ال، ءسىز قانداي قالالاردى بىلەسىز؟

massaget.kz