قازاقستان ۇكىمەتى ەلىمىزدەگى اۋعان ازاماتتارىنا قالاي كومەكتەسىپ جاتىر
نۇر- سۇلتان. قازاقپارات - اۋعانستانداعى سوڭعى وقيعالارعا بايلانىستى قازاقستان ۇكىمەتى ەلىمىزدە قالعان اۋعانستان ازاماتتارىنىڭ ماسەلەسىن شەشۋگە بەلسەندى قاتىسىپ جاتىر، دەپ حابارلايدى قازاقپارات.
حالىقارالىق قۇقىق پەن ق ر ۇلتتىق زاڭناماسىنىڭ قاعيدالارىن ۇستانا وتىرىپ، ق ر ءى ءى م كوشى- قون قىزمەتى كوميتەتى قازاقستاننىڭ جوعارى وقۋ ورىندارىندا وقيتىن 155 اۋعان ستۋدەنتىنە وقۋ ۆيزاسىن بەردى جانە ۇزارتتى. ادام قۇقىقتارى جونىندەگى ۋاكىل مەن كوشى- قون جونىندەگى حالىقارالىق ۇيىمنىڭ قاتىسۋىمەن ەكونوميكالىق كومەككە مۇقتاج 204 اۋعان ستۋدەنتىنە، ونىڭ ىشىندە وسى جىلى وقۋىن بىتىرگەن ستۋدەنتتەرگە گۋمانيتارلىق كومەك كورسەتىلدى. اكسيا الماتى، شىمكەنت، قاراعاندى، وسكەمەن جانە نۇر- سۇلتان قالالارىندا وتكىزىلدى.
