ءۇندىستاندا سۋىققا بايلانىستى قورىقتاعى جانۋارلاردىڭ تولدەرىن كورپەگە وراپ جاتىر
جابايى تابيعاتتى قالپىنا كەلتىرۋ جانە ساقتاۋ ورتالىعىنىڭ جانۋارلارىنا كورپە مەن جىلىتقىشتار تاراتىلدى، دەپ حابارلايدى قازاقپارات NDTV سايتىنا سىلتەمە جاساپ.
«ءبىز، اسىرەسە، ءمۇيىزتۇمسىقتار مەن پىلدەردىڭ تولدەرىنە قامقورلىق كورسەتەمىز، ولاردى جىلى كيىندىرەمىز»، - دەدى جابايى تابيعاتتى قالپىنا كەلتىرۋ جانە ساقتاۋ ورتالىعىنىڭ مال دارىگەرى سامسۋل الي.
قازىرگى كەزدە ۇلتتىق ساياباق قاراۋىندا توعىز ءپىل، بەس جىلقى جانە ءبىر جولبارىس ءتولى، سونىمەن قاتار باسقا دا جانۋارلار بار. بيلىك ولاردىڭ تاماقتانۋىنا ەرەكشە كوڭىل بولۋدە، ولارعا قورەكتىك زاتتارعا باي تاماق بەرەدى. ۇلتتىق ساياباقتاعى قۇستار قىس ايلارىندا سۋىقتان قورعاۋ ماقساتىندا ينكۋباتورلاردا ۇستالادى.
سارسەنبى كۇنى كازيرانگادا اۋا تەمپەراتۋراسى 10 گرادۋس جىلى بولدى، بۇل - رەكوردتىق تومەن تەمپەراتۋرا.
