قىتايدا كۇننىڭ كۇرت سۋىتۋىنا بايلانىستى ەسكەرتۋ جاريالاندى

ۇلتتىق مەتەورولوگيالىق قىزمەتتىڭ دەرەگىنە ساي، بەيسەنبى- جەكسەنبى كۇندەرى ورتالىق جانە شىعىس قىتايدا اۋا تەمپەراتۋراسى سەلسي بويىنشا 6-10 گرادۋسقا تومەندەيدى. سينوپتيكتەردىڭ ايتۋىنشا، ەلدىڭ كەيبىر اۋداندارىندا اۋا تەمپەراتۋراسى سەلسي بويىنشا 14 گرادۋسقا تومەندەۋى مۇمكىن.

مەتەورولوگتار ادامداردى دالاعا شىعار الدىندا جىلى كيىنۋگە، سونىمەن قاتار سۋىق پەن جەلدەن قورعانۋ شارالارىن قولدانۋعا، ال جەرگىلىكتى جول جانە پوليتسيا قىزمەتتەرىن جولداعى كوكتايعاققا دايىن بولۋعا شاقىردى.

قىتايدا قولايسىز اۋا رايى تۋرالى ەسكەرتۋدىڭ ءتورت دەڭگەيلى جۇيەسى ەنگىزىلگەن. جۇيە بويىنشا، قاۋىپتىڭ ەڭ جوعارى دەڭگەيى - قىزىل، ءارى قاراي قىزعىلت سارى، سارى جانە كوك ءتۇس جۇرەدى.

اۆتور: ءبيبىحان سەرىكوۆا