جاستارعا جالعا بەرىلەتىن باسپانا: نۇر-سۇلتاندا ءۇي الاتىنداردىڭ ءتىزىمى جاريالاندى

باعدارلاما بويىنشا وتكەندەردىڭ اراسىندا ەكى كوپپاتەرلى تۇرعىن ۇيدە ورنالاسقان 800 پاتەر بولىنەدى، دەپ حابارلايدى قازاقپارات اكىمدىكتىڭ رەسمي سايتىنا سىلتەمە جاساپ.

بيىل «جۇمىس ىستەيتىن جاستارعا ساتىپ الۋ قۇقىعىنسىز جالعا بەرىلەتىن تۇرعىن ءۇي» باعدارلاماسىنا قاتىسۋعا 4863 ادامنان ءوتىنىم ءتۇستى، ونىڭ 800 ءى جاقىن ارادا پاتەر كىلتىن الادى.

نۇر-سۇلتاندا باعدارلاما بويىنشا وتكەندەردىڭ ءتىزىمى zhilfond.kz سايتىندا جاريالانعان.

ءۇش ءتىزىم جاسالدى:

- ىرىكتەۋدەن وتكەن (ەڭ تومەنگى شەكتى بال - 20)؛

- رەزەرۆ (ءوتىنىم بەرۋشى نەگىزگى تالاپتار بويىنشا كەلەدى، ءبىراق بالدار بويىنشا وتپەيدى جانە ەگەر ماقۇلدانعان 800 دەن باس تارتۋ بولعان جاعدايدا، وندا رەزەرۆتىك تىزىمنەن ءوتىنىم بەرۋشىلەر قابىلدانادى)؛

- ىرىكتەۋدەن وتپەگەندەر (qatysu.zhilfond.kz پورتالىندا جەكە كابينەتتەن باس تارتىلعان)؛

213 پاتەر كەنەسارى جانە سەمبينوۆ كوشەلەرىنىڭ قيىلىسىندا ورنالاسقان، ونىڭ ىشىندە:

- 1 بولمەلى پاتەرلەر - 144. جالپى اۋدانى: 40,0 - 49,5 m 2.

- 2 بولمەلى پاتەرلەر - 69. جالپى اۋدانى: 56,7 - 58,7 m 2.

تاعى 587 پاتەر ابىلاي حان، ب. مومىش ۇلى جانە ر. قوشقاربايەۆ داڭعىلدارىنىڭ قيىلىسىندا ورنالاسقان، ونىڭ ىشىندە:

- 1 بولمەلى پاتەر - 378.

جالپى اۋدانى: 40,0 - 48,8 m 2.

- 2 بولمەلى پاتەرلەر- 209.

جالپى اۋدانى: 55,9 - 57,5 m 2 .

ءوتىنىم بەرگەن قاتىسۋشىلار اراسىندا ىرىكتەۋ بالدىق جۇيە بويىنشا جۇرگىزىلدى، پاتەرلەردى ءبولۋ ءوتىنىش بەرۋشىنىڭ وتباسى قۇرامىنا جانە جيناعان بالدارىنا سايكەس جۇرگىزىلەدى.

باعدارلامانىڭ بارلىق قاتىسۋشىسىنا «ىرىكتەۋدەن ءوتتى»، «رەزەرۆ» نەمەسە «باس تارتىلدى» دەگەن س م س- حابارلامالار جىبەرىلدى.

باعدارلاما بويىنشا وتكەندەر ءۇشىن قونىستاندىرۋ ۋاقىتى مەن كۇنى، پاتەردىڭ مەكەنجايى تۋرالى اقپارات قوسىمشا حابارلانادى جانە qatysu.zhilfond.kz پورتالىنداعى جەكە كابينەتتە جاريالانادى.