ءتىس ەمدەتۋ ءۇشىن زەينەتاقى جيناعىن الۋ قالاي قاداعالانادى؟

سپيكەردىڭ ايتۋىنشا، ءتىس ەمدەۋگە ارنالعان قۇجاتتار پاكەتىندە كلينيكامەن كەلىسىمشارت جانە تولەم شوتى بار.

«كورسەتىلەتىن قىزمەتتەر ىشىندە ەڭ قىمبات پروتسەدۋرا - يمپلانتاتسيا دا بار. شىن مانىندە، پروتەزدەۋدى، شۆەيتساريالىق نەمەسە يزرايلدىك يمپلانتتىڭ بولۋىن جانە 17-18 يمپلانت بولاتىنىن ەسكەرسەك، 17 ميلليون تەڭگەگە بەرىلگەن چەك تە شىنايى بولا الادى. ءبىز ءتىس پەن جاڭا يمپلانتاتتاردىڭ سانىن تەكسەرە المايمىز. سوندىقتان ءتىس ەمدەۋدى ءوزى ءۇشىن ماڭىزدى دەپ ساناعان سالىمشىعا سەنىم ارتامىز. مەن دە بۇل باستامانى قولدايمىن. ويتكەنى ءتىس - اسقازان- ىشەك جولىنا، كوڭىل-كۇيگە، ونىڭ ىشىندە سىرتقى پىشىنگە اسەر ەتەتىن وتە ماڭىزدى فاكتور. سوندىقتان ادامدار تولەم شوتىن الىپ كەلىپ، بىزگە العىس ايتىپ جاتىر. ءبىز دە ءبارى زاڭدى جولمەن جاسالىپ جاتقانىن كورىپ وتىرمىز»، - دەدى ءلاززات يبراگيموۆا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

بۇعان دەيىن ءلاززات يبراگيموۆا باسپانا باعاسىنا قاتىستى بولجامدارىن ايتقان ەدى.