تۇماۋدى ءار ەلدىڭ ادىسىمەن ەمدەۋ جولدارى

ءبىراق ونى ەمدەۋدىڭ ءار ەلدە وزىندىك تاسىلدەرى بار. ەندەشە، بىلە جۇرەيىك؟ !

جاپوندىق ءادىس. بۇل ەلدە تۇماۋمەن اۋىرعان ادام ۇيىنە كەلگەننەن كەيىن مىندەتتى تۇردە 10 كەسە جاسىل ءشاي ىشەدى ەكەن. سەيلون ءشايى بۇل ەلدىڭ تۇماۋدا قولداناتىن باستى قارۋى.

قىتاي ءادىسى. ولار تۇماۋ تيسە نۇكتەلى ماسساجعا جۇگىنەدى. اۋىرعان قىتايلىق كۇنىنە 3 رەت سۇق ساۋساعىنىڭ ۇشىمەن 9 رەت ساعات ءتىلىنىڭ بويىمەن كەرى باعىتتا ماسساج جاسايدى. يممۋنيتەتتى كوتەرۋگە اسەر ەتەتىن نۇكتەلەرگە: ماڭدايدىڭ بالاپان شاش وسەتىن ايماقتارى، قاستىڭ ىشكى بۇرىشى، مۇرىن قىرلارى، مويىننىڭ ارقاعا كوشۋ جەرلەرى جاتادى.

ءۇندى ءادىسى. تۇماۋمەن اۋىرعاندا ۇندىستەر ءتۇرلى تاستاردى ەم رەتىندە قولدانادى. تاستاردىڭ اعزاداعى ۆيرۋستى جوياتىن ءشوپ سەكىلدى بيولوگيالىق كۇشى بار. بۇل ءادىستى ابدەن قىر- سىرىن مەڭگەرگەن ناعىز مامان ەمشىلەر عانا قولدانادى. تاستىڭ اۋامەن اسەرى بار. ول دەنەدەگى جاعىمسىز دۇنيەلەردى الادى ەكەن.

تيبەت ءتاسىلى. تيبەت ادامدارى مۇلدەم اۋىرمايدى دەسەك تە بولادى. ولار 5 جىلدا 1 رەت ەسكى رەتسەپپەن جاسالعان سارىمساق- ءسپيرتتى تۇنبانى جاسايدى. كەيىن سونى ەرەكشە نۇسقاۋ بويىنشا قابىلدايدى. بالعىن سارىمساقتىڭ 350 گرامىن الىپ، ونى بىرنەشە بولىككە ءبولىپ، قابىعىن تازالايدى. اعاش نەمەسە مىستان جاسالعان ىدىسقا سالىپ 30 مينۋتقا بولمە تەمپەراتۋراسىنا قويۋ كەرەك. سودان كەيىن ونىڭ ۇستىنە 96 پايىزدىق ءسپيرتتى قۇيۋ كەرەك. تاعى دا 10 كۇنگە تۇندىرىپ قويامىز. كەيىن تاماق ىشەر الدىندا مولشەرمەن ءىشىپ وتىرساڭىز اۋىرمايسىز.

امەريكالىق ءادىس. ولار سۋىق تيسە كوكتەيل سۋسىندارىن ىشەدى. جالبىز بەن ليمون، بال مەن سارىمساق قوسىلعان كوكتەيلدەر ولاردىڭ تۇماۋعا قارسى قۇرالدارى. سونىمەن قاتار، الما ليمونادىن قولدانادى. 1 ستاكان قايناعان سۋعا 1-2 اس قاسىق ليمون ۋكسۋسىن جانە ءدال سول مولشەردە بال قوسىپ، ىستىق كۇيىندە ىشەدى.

گرەك ءادىسى. گيپپوكرات سۋسىنى بۇل ەلدى تۇماۋدان ساقتايدى. ولار اياقتارىن ىستىق سۋعا مالىپ، ەكى كەسەك اپەلسين جانە ەكى كەسەك ليموننىڭ ۇستىنە ەكى ستاكان قىزىل شاراپ قۇيىپ، 1 اس قاسىق بال، 2 قالامپىر گۇلىنىڭ ساباعىن جانە ءبىر شوكىم ارشىندى سالىپ قايناتادى. اياقتارى ىستىق سۋدا تۇرعاندا سول سۋسىندى ىشەدى. مەكسيكالىق ءتاسىل. ولار انتيگريپپين جانە اسپيرين ىشۋگە بەيىم. سونىمەن قاتار، ۇنتاقتالعان قارا بۇرىشتى كۇنىنە 3 رەت قابىلدايدى. سۇيىق سورپالارعا دا سونى قوسادى. ورىس ءتاسىلى. جۋامەن، سارىمساقپەن، اقجەلكەكپەن ەمدەيدى. اقجەلكەكتىڭ تامىرىن ۇنتاقتاپ، داكەگە سالىپ كەۋدەگە، ارقاعا باسادى. اياقتى گورچيچنيكپەن قىزدىرادى.

يسپان ءتاسىلى. ولار تەڭىز تاعامدارىن قولايلى دەپ سانايدى. قىزىل ەتتى، باۋىردى، مايلى تەڭىز بالىعىن سورپا قىلادى. سونىمەن قاتار تۇستەرى قانىق جەمىستەردى كوپ قولدانادى. تۇماۋعا وسىلاي الدىن- الا قارسى تۇرادى.

Massaget.kz