ساياحاتشىلار ءۇشىن الەمدەگى تاڭعالارلىق زاڭدار اتالدى

نۇر-سۇلتان. قازاقپارات - تۋريزم سالاسىنىڭ ماماندارى ساياحات كەزىندە دەمالۋشىلار كەزدەستىرۋى مۇمكىن ەڭ تاڭعالارلىق زاڭداردى اتادى.

ءتىزىمدى thesun باسىلىمى كەلتىرەدى، - دەپ حابارلايدى Kaz.tengritravel.kz ءتىلشىسى.

ساراپشىلار لوندونداعى پارلامەنت عيماراتىنا بارعىسى كەلەتىن ساياحاتشىلارعا دەنساۋلىعى ناشار جاعدايدا ەكسكۋرسيانى كەيىنگە قالدىرۋدى ۇسىندى.

«ويتكەنى، پارلامەنتتە ءولۋ زاڭسىز»، - دەپ ەسكەرتتى ساراپشىلار.

ۇلى بريتانيادا قولدانىلاتىن زاڭعا سايكەس پارلامەنتتە قايتىس بولعان ادامدى مەملەكەت ەسەبىنەن جەرلەۋ كەرەك.

سونداي- اق، اۆتورلار گرەكيادا اكروپول مەن پارفەنون سياقتى جەرلەرگە بيىك وكشەلى اياق كيىممەن بارۋعا تىيىم سالىنعانىن ايتتى.

يسپانيادا ۆەلوسيپەدتى جالاڭاياق تەبۋگە، ال باربادوستا بەلگىلى ءبىر كيىمدى كيۋگە رۇقسات ەتىلمەيدى.

«كامۋفلياج ۇلگىسى بار كيىم ارالدا زاڭسىز بولىپ ەسەپتەلەدى جانە سىزگە ايىپپۇل سالىنۋى مۇمكىن، ويتكەنى كامۋفلياجدى تەك ەسىرتكىمەن كۇرەسەتىن جانە اسكەري قىزمەتكەرلەر كيەدى»، - دەپ ءتۇسىندىردى.