11:06, 22 - جەلتوقسان 2021 | GMT +5
وميكرون شتامى ەۋروپادا ىندەتتىڭ كەزەكتى تولقىنىن تۋدىرۋى مۇمكىن
نۇر-سۇلتان.قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ ەۋروپالىق بيۋروسى كارى قۇرلىقتا ىندەتتىڭ جاڭا تولقىنىن بولجادى. ساراپشىلاردىڭ ايتۋىنشا، ايماقتا ەپيداحۋال كۇن وتكەن سايىن ۋشىعىپ بارادى.
دانيادا وميكرون شتامىنا شالدىققانداردىڭ قاراسى كوبەيدى. ال فرانسيادا ۆيرۋستىڭ بۇل ءتۇرىن ناۋقاستاردىڭ بەستەن ءبىر بولىگى جۇقتىرعان. يسپانيادا ءبىر كۇندە تىركەلگەن دىمكاس جانداردىڭ سانى 50 مىڭعا جۋىقتاپ انتيرەكورد ورنادى.
گەرمانيا مەن ۇلىبريتانياداعى احۋال دا ءماز ەمەس. جاعدايدىڭ ناشارلاۋىنا بايلانىستى كارى قۇرلىق ەلدەرىنىڭ باسشىلارى جاڭا شەكتەۋلەر ەنگىزە باستادى. ماماندار حالىقتى بارىنشا ۇيدەن شىقپاۋعا شاقىرادى. كەي مەملەكەتتەر كومەندانتتىق ساعات جاريالادى. ايتا كەتەيىك، دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، بۇگىندە كوروناۆيرۋستىڭ وميكرون شتامى الەمنىڭ 106 ەلىندە تىركەلگەن.
www.24.kz
