ولجاس سۇلەيمەنوۆ ت م د- نىڭ «دوستاستىق جۇلدىزى» سىيلىعىنىڭ لاۋرەاتى اتاندى

نۇر- سۇلتان. قازاقپارات - سەيسەنبى كۇنى ماسكەۋدە وتكەن راسىمدە «دوستاستىق جۇلدىزى» مەملەكەتارالىق سىيلىقتارى ت م د- نىڭ توعىز ەلىنىڭ لاۋرەاتىنا تابىستالدى، دەپ حابارلايدى قازاقپارات ت ا س س اقپارات اگەنتتىگىنە سىلتەمە جاساپ.

«دوستاستىق جۇلدىزدارى» - ت م د- نىڭ گۋمانيتارلىق سالاداعى جوعارى جەتىستىكتەرى ءۇشىن بەرىلەتىن ماراپات. ونىڭ يەگەرلەرىنىڭ اراسىندا ممحقي رەكتورى، رەسەي عىلىم اكادەمياسىنىڭ اكادەميگى اناتوليي توركۋنوۆ، رەسەي- ارميان ۋنيۆەرسيتەتىنىڭ رەكتورى ارمەن داربينيان (ارمەنيا)، فيزيك عالىمداردىڭ اۆتورلىق ۇجىمى: الەكساندر تۋزيكوۆ، سەرگەي زولوتوي جانە سەرگەي كورەنياكو (بەلارۋس)، استروفيزيكا ينستيتۋتىنىڭ ديرەكتورى گۇلچەحرا كوحيروۆا (تاجىكستان)، ۇلتتىق عىلىم اكادەميالارىنىڭ پرەزيدەنتتەرى مۇرات جۇماتايەۆ (قىرعىزستان) جانە يون تيگينيانۋ (مولداۆيا). سونداي- اق، سىيلىق يەگەرلەرىنىڭ اراسىندا قازاقستان جازۋشىسى ولجاس سۇلەيمەنوۆ، ءازىربايجان وپەرا ءانشىسى ەلچين ءازيزوۆ جانە وزبەكستاننىڭ ەسترادا- سيمفونيالىق وركەسترىنىڭ جەتەكشىسى مانسۇر تاشماتوۆ بار.

سالتاناتتى راسىمدە سونداي- اق وزدەرىن گۋمانيتارلىق سالادا تانىتقان جاستارعا ارنالعان «دەبيۋتتەر دوستاستىعى» سىيلىعى دا بەرىلدى. اتالعان سىيلىق ت م د- دا ۇلى وتان سوعىسىنداعى جەڭىستىڭ 75 جىلدىعى بولىپ جاريالانعان 2020 -جىلدىڭ قورىتىندىلارى بويىنشا تابىستالدى. سىيلىق يەگەرلەرىنىڭ اراسىندا «جوعارى ەكونوميكا مەكتەبى» ۇلتتىق زەرتتەۋ ۋنيۆەرسيتەتىنىڭ قىزمەتكەرى، سمولەنسك مەملەكەتتىك ۋنيۆەرسيتەتى كافەدراسىنىڭ وقىتۋشىسى انتون ازارەنكوۆ، وقىتۋشىلار زاۋر مامەدوۆ ء(ازىربايجان)، ارمەن ايۆازيان (ارمەنيا)، ءتىلشى ەكاتەرينا مىسليۆەتس (بەلارۋس)، سۋرەتشى الماس نۇرعوجايەۆ (قازاقستان)، ا. مالدىبايەۆ اتىنداعى ۇلتتىق اكادەميالىق وپەرا جانە بالەت تەاترىنىڭ ءسوليستى فارۋح سادىرقۇلوۆ (قىرعىزستان)، «ورىس تاريحي- پاتريوتتىق كلۋبى» قوعامدىق ۇيىمىنىڭ جەتەكشىسى الەكسەي پەتروۆيچ (مولداۆيا)، تاجىكستان ۇلتتىق مۇراجايى ەكسكۋرسيالىق ءبولىمى باستىعىنىڭ ورىنباسارى مۋمينپۋر مۋبيرحوني، وزبەكستان قارۋلى كۇشتەرى مۇراجايىنىڭ جەتەكشى عىلىمي قىزمەتكەرى بارنو يساحوۆا بار.

شارا ارالاس فورماتتا ءوتتى، راسىمگە ر ف پرەزيدەنتىنىڭ ارنايى وكىلى شۆىدكوي، ازەربايجان ەلشىسى بيۋلبيۋل وعلى جانە گۋمانيتارلىق ىنتىماقتاستىق مەملەكەتارالىق قورىنىڭ اتقارۋشى ديرەكتورى اناتولي يكسانوۆ قاتىستى، ال لاۋرەاتتار بەينەبايلانىسقا شىققان. سىيلىقتاردىڭ تابىستالۋ راسىمىنە ت م د جاستار سيمفونيالىق وركەسترى ارنايى كونسەرتتىك باعدارلاماسىن دايىندادى.

سىيلىق لاۋرەتتارىنا ارنايى ديپلوم، قۇرمەت بەلگىسى مەن كۋالىك تابىستالادى. سىيلىقتىڭ اقشالاي بالاماسى 2 ميلليون رەسەيلىك ءرۋبلدى قۇرايدى.