ۇزاق ءومىر ءسۇرۋ ورتالىعىنا كەلەتىن بالقاشتىقتاردىڭ سانى وسۋدە
ورتالىق قالالىق ارداگەرلەر كەڭەسى جانىنداعى «ارداگەر» كلۋبىنىڭ بازاسىندا اشىلدى. كەلۋشىلەر ءۇشىن قىزىعۋشىلىق كلۋبتارى ۇيىمداستىرىلعان، مەرزىمدى باسىلىمدار كىتاپحاناسى جۇمىس ىستەيدى. ەرلەر دويبى مەن شاحمات وينايدى. ايەلدەر قولونەرگە كوبىرەك كوڭىل بولەدى. ورتالىقتا توقۋ، بيسەرمەن كەستەلەۋ بويىنشا شەبەرلىك ساباقتارى وتكىزىلەدى، ءداستۇرلى قازاق تىگىن تەحنيكالارىن جانە زەرگەرلىك بۇيىمداردى دايىنداۋدى ۇيرەتەدى. زەينەتكەرلەردى دەنە شىنىقتىرۋعا باۋلۋعا ۇلكەن كوڭىل بولىنەدى.
«سپورت زالىن اشقىمىز كەلەدى. جابدىقتاردىڭ جەتكىزىلۋىن كۇتۋدەمىز. جۇگىرۋ جولى، گيمناستيكالىق كىلەمشەلەر، سكانديناۆيالىق جۇرۋگە ارنالعان تاياقتار بولادى. جاقىندا شاحمات پەن دويبىدان تۋرنير ءوتتى. ورتالىققا كەلۋشىلەردىڭ ءبىرى - 86 جاستاعى بالقاشتىڭ قۇرمەتتى ازاماتى بەكەن تولەۋوۆ جارىستىڭ تورەشىسى بولدى. ۇلتتىق سپورت تۇرلەرىنەن جارىستار وتكىزۋ جوسپاردا بار. ارينە، بۇل ەگدە جاستاعى ادامدار ءۇشىن قولايلى»، - دەيدى ورتالىق باسشىسى قارلىعاش تۇسىپبەك.
سونداي- اق شىعارماشىلىق بايقاۋلار، مەرەكەلىك ءىس- شارالار وتكىزىلەدى. ورتالىق قىزمەتكەرلەرى بالقاش مۇراجايىنىڭ قىزمەتكەرلەرىمەن بىرلەسىپ ەكسكۋرسيالىق تۋرلار ۇيىمداستىرادى. زەينەتكەرلەر بەكتاۋ اتا شاتقالىندا، تەمىرتاۋ جانە سپاسسك قالالارىندا، دولينكا كەنتىنىڭ ساياسي قۋعىن- سۇرگىن قۇرباندارىن ەسكە الۋ مۇراجايىندا بولدى. كوپتەگەن ارداگەرلەر العاش رەت كورىكتى جەرلەر مەن قاسيەتتى جەرلەردى كوردى.
«ءبىزدىڭ ورتالىققا بارلىق نيەت بىلدىرۋشىلەردى شاقىرامىز. كوبىسى زەينەتكە شىعادى جانە بۇدان ءارى نە ىستەۋ كەرەكتىگىن بىلمەيدى. بىزدە قارىم- قاتىناس ورناتىپ، قىزىقتى ءىس- شارالارعا قاتىسۋعا بولادى. ورتالىعىمىزدا ەشقاشان زەرىكپەيسىزدەر»، - دەيدى قارلىعاش تۇسىپبەك.
