كەلەر جىلى الماتىداعى باسپانا باعاسى قالاي بولادى؟
وعان ازاماتتاردىڭ زەينەتاقى قورىندا جينالعان اقشالارىن تۇرعىن ءۇي جاعدايىن جاقسارتۋعا جۇمساۋى اسەر ەتتى. دەگەنمەن كەلەسى جىلى حالىقتىڭ تولەم قابىلەتى باسەڭدەيدى. تيىسىنشە تۇرعىن ءۇي باعاسى دا تۇراقتانۋى مۇمكىن ەكەنىن ايتادى الماتىدا قۇرىلىس قارقىندى. مەگاپوليستە بيىل 2,5 ميلليون شارشى مەتردەن استام تۇرعىن ءۇي پايدالانۋعا بەرىلەدى. باسپانا سالۋ اۋقىمدى بولعانىمەن باعاسى ءبارىبىر قىمبات. مىسالى، قالا شەتىندەگى 45 شارشى مەترلىك 1 بولمەلى پاتەردىڭ قۇنى جارتى جىلدىڭ وزىندە %15-20 قىمباتتاپ، ورتالىقتاعى باعامەن تەڭەستى. ال قاراپايىم تۇرعىنداردىڭ ءۇي الۋعا ءۇمىتى زور بولعانىمەن، مۇمكىندىگى از.
- مەنىڭ ويىمشا جاڭا ۇيلەردىڭ باعاسى قىمباتتايدى. ويتكەنى قۇرىلىس ماتەريالدارىنىڭ باعالارى قىمباتتاپ جاتىر.
- بانكتىڭ پروتسەنتى كوپ. مەن «باقىتتى وتباسى» سياقتى پروگراممالارعا جاتپايمىن. بىلاي يپوتەكا العان كەزدە 14 پروتسەنت. %8 ءوزى كوپ بولىپ تۇر. ال اقشا جيناۋعا قازىر مۇمكىندىك جوق. - ول مۇمكىن ەمەس. جالاقىسى جوعارىلار الۋى مۇمكىن. ۇمتىلىپ، جان- جاقتان كومەكتەسىپ دەگەن سياقتى.
«وتباسى بانكىنىڭ» مالىمەتىنشە، 2021 -جىلدىڭ قاڭتار- قاراشا ايلارىندا 414 مىڭ ەل ازاماتى زەينەتاقى قورىندا جيناقتالعان قارجىسىن ءۇي جاعدايىن جاقسارتۋعا پايدالانىپتى. بۇل شامامەن 1,7 تىريلليون تەڭگەگە جۋىق. وسى جاعداي جاڭادان سالىنعان پاتەردىڭ عانا ەمەس ەسكى ءۇيدىڭ باعاسىنىڭ وسۋىنە دە اسەر ەتتى. ال كەلەسى جىلدىڭ ءساۋىر ايىنان باستاپ ەڭ تومەنگى جەتكىلىكتىلىك شەگى وسەدى.
«سوندىقتان 2022 -جىلى ۇيگە دەگەن سۇرانىس بيىلعىداي بولمايدى»، - دەيدى ەكونوميست ماقسات حالىق.
ماقسات حالىق، ەكونوميكا ساراپشىسى:
- قازىر ونداي كولەمدە اقشا جاتقان جوق ول جەردە. ول جەردەن ادامدار «وتباسى بانكىندەگى» دەپوزيتتىك شوتتارىنا اقشانى اۋدارۋ مۇمكىندىگىنە يە بولىپ وتىر. ول 1, 2 ميلليون بولۋى مۇمكىن. ول اۋدارعان كۇننىڭ وزىندە 3 جىل ۋاقىت بەرىلەدى. 3 جىلدىڭ ىشىندە اسىقپاي وزىنە ءتيىستى قاراجاتتى جيناپ سوسىن عانا نارىققا شىعادى. دەمەك وتكەن جىلعىداي سۇرانىستى تۋعىزبايدى دەگەن ءسوز. مامانداردىڭ ايتۋىنشا، پاتەر الۋشىلاردىڭ %40 ونى قولما- قول اقشاعا، %35 ءبولىپ تولەۋ ارقىلى، %25 يپوتەكالىق باعدارلامالار ارقىلى الادى. بۇل جەردە يپوتەكانىڭ ۇلەسى تومەن ەكەنىن كورەمىز. سونىڭ وزىنە تۇرعىنداردىڭ قولى جەتە بەرمەيدى.
«شارىقتاپ كەتكەن باسپانا باعاسى ارى كەتسە 5-10 پروتسەنتكە ارزاندايدى»، - دەيدى ساراپشىلار.
لاريسا الەكسەەنكو، ريەلتور:
- مەنىڭ ويىمشا نارىقتا سۇرانىس ازايسا، باعا تۇراقتانۋى مۇمكىن. كەلەسى جىلى باعانىڭ ءوسىمى بيىلعىداي بولمايدى. ال ساتىپ الۋشىلاردىڭ سانى ەكى ەسە تومەندەيدى. ەكىنشى دەڭگەيلى بانكتەر دە وزدەرىنىڭ يپوتەكالىق باعدارلامالارىن قايتا قاراستىراتىنى ءسوزسىز. نارىقتاعى باعانىڭ وسۋىنە قۇرىلىس ماتەريالدارىنىڭ قىمباتشىلىعى دا اسەر ەتىپ وتىر. ءۇي سالۋشى كومپانيالار شىققان شىعىندى پاتەردىڭ شارشى مەترىنە قوسىپ ساتادى. قازىر الماتىدا پاتەردىڭ 1 شارشى مەترىنىڭ ورتاشا قۇنى 500 مىڭ تەڭگە. ال 2022 -جىلى دا قۇرىلىس ماتەريالدارىنىڭ باعاسى وسە بەرمەك. ءبىراق حالىقتى باسپانامەن قامتۋدىڭ جاڭا الەۋمەتتىك باعدارلامالارى پايدا بولۋى مۇمكىن.
www.24.kz
