ەلىمىزدىڭ ازاماتتارى بانكتەرگە قانشا قارىز؟
قازىرگى ساتتە جەكە تۇلعالاردى كرەديتتەۋ كولەمى 8,99 تريلليون تەڭگەنى قۇراپ وتىر، ونىڭ ىشىندە 2,9 تريلليون تەڭگە - يپوتەكالىق قارىز، 5,79 تريلليون تەڭگە - تۇتىنۋشىلىق قارىز.
حالىق دەپوزيتتە قانشا قاراجات جينادى؟
جەكە تۇلعالاردىڭ دەپوزيتى 12,37 تريلليون تەڭگەنى قۇرايدى. جىل باسىنان بەرى جەكە تۇلعالاردىڭ دەپوزيتى %14,6 عا ۇلعايدى.
ەستەرىڭىزگە سالا كەتەيىك، وسىعان دەيىن پرەمەر-مينيستر اسقار مامين قازاقستاندىقتاردىڭ پروبلەمالىق قارىزدارىن رەتتەۋدىڭ جاڭا ءتارتىبى تۋرالى مالىمدەمە جاسادى.
قارىزدى قايتا قۇرىلىمداۋ ءۇشىن مەرزىمى وتكەن بەرەشەكتى رەتتەۋدىڭ مىناداي تۇرلەرى زاڭنامالىق تۇرعىدان بەلگىلەندى:
1) سىياقى مولشەرلەمەسىن ازايتۋ جاعىنا قاراي وزگەرتۋ؛
2) قارىز ۆاليۋتاسىن ۇلتتىق ۆاليۋتاعا وزگەرتۋ؛
3) نەگىزگى بورىش جانە (نەمەسە) سىياقى بويىنشا تولەۋ مەرزىمىن كەيىنگە قالدىرۋ؛
4) بەرەشەكتى وتەۋ ءادىسىن نەمەسە بەرەشەكتى وتەۋدىڭ كەزەكتىلىگىن، ونىڭ ىشىندە نەگىزگى بورىشتى باسىمدىق تارتىپپەن وتەي وتىرىپ، وزگەرتۋ؛
5) قارىز مەرزىمىن وزگەرتۋ
6) مەرزىمى وتكەن نەگىزگى بورىشتى جانە (نەمەسە) سىياقىنى كەشىرۋ، قارىزعا قىزمەت كورسەتۋگە بايلانىستى تۇراقسىزدىق ايىبىنىڭ (ايىپپۇلدىڭ، ءوسىمپۇلدىڭ)، كوميسسيالاردىڭ جانە وزگە دە تولەمدەردىڭ كۇشىن جويۋ.
