پەتروپاۆلدىق وقىتۋشى وكسۆورد ۋنيۆەرسيتەتىنىڭ قۇرمەتتى پروفەسسورى اتاندى

پەتروپاۆل. قازاقپارات - پەتروپاۆلداعى ەرمەك سەركەبايەۆ اتىنداعى ونەردەگى دارىندى بالالارعا ارنالعان مامانداندىرىلعان مەكتەپ-ينتەرنات-ونەر كوللەدجى ديرەكتورى راۋزا كاشەنيەۆا وكسۆورد ۋنيۆەرسيتەتىنىڭ قۇرمەتتى پروفەسسورى اتاندى، دەپ حابارلايدى قازاقپارات ءتىلشىسى.

سولتۇستىك قازاقستان وبلىسى ءبىلىم باسقارماسى باسپا ءسوز قىزمەتىنىڭ مالىمەتىنشە، 17- جەلتوقساندا راۋزا كاشەنيەۆا ونەردى دامىتۋعا جانە تالانتتى جاستاردى تاربيەلەۋگە سىڭىرگەن ەڭبەگى ءۇشىن وكسۆورد ۋنيۆەرسيتەتىنىڭ قۇرمەتتى پروفەسسورى اتانىپ، وردەنىمەن ماراپاتتالدى.

راۋزا كاشەنيەۆا - پەداگوگيكا عىلىمدارىنىڭ كانديداتى، ق ر ءبىلىم بەرۋ ءىسىنىڭ قۇرمەتتى قىزمەتكەرى.

بىلىكتى ۇستازدىڭ شاكىرتتەرى وبلىستىق، رەسپۋبليكالىق جانە حالىقارالىق كونكۋرستارعا بەلسەندى قاتىسىپ، جۇلدەلى ورىنداردان كورىنىپ ءجۇر.

راۋزا ءابۋتالىپ قىزىنىڭ ءوزى دە ساحنادا ءان ايتىپ، رەسپۋبليكالىق جانە حالىقارالىق دەڭگەيدەگى فەستيۆالدەرگە، بايقاۋلارعا قاتىسىپ تۇرادى. ول يتالياندىق ۇلى ورگانيست، ۆاتيكاننىڭ راديو جانە تەلەديدار ديرەكتورى ارتۋرو ساكەتتيدىڭ تاللين قالاسىنداعى دومسكي سوبورىندا وتكەن كونسەرتىنە قاتىستى.

نيدەرلاندىعا گاسترولگە شىعىپ، 15 جەكە كونسەرتىن بەردى. امستەردام كونسەرۆاتورياسىندا بولعان بەلكانتو فەستيۆال-كونكۋرسىنا قازىلار القاسىنىڭ مۇشەسى رەتىندە قاتىستى.

وسى ساپارىندا 74 مينۋتقا سوزىلعان كونسەرتىنىڭ ديسكىسىن شىعاردى. 2010-جىلى راۋزا كاشەنيەۆا ەۋروپا رەكتورلارىنىڭ حالىقارالىق كلۋبىنا قوسىلىپ، ونىڭ قۇرمەتتى مۇشەسى اتاندى.

بۇل وكسفورد قالاسىندا وتكەن «XXI عاسىر كوشباسشىلارى» حالىقارالىق سامميتىندە بولدى.

2011-جىلى ول باسقاراتىن كوللەدج European QUALITYA WARD - «ەۋروپالىق ساپا» حالىقارالىق ماراپاتىن الدى.

2012-جىلى KPE جانە ەۋروپالىق بيزنەس اسسامبلەياسىنىڭ شاقىرۋىمەن ۆەنا قالاسىندا وتكەن حالىقارالىق فورۋمعا جانە روجدەستۆولىق رىتسارلار بالىنا قاتىسىپ، ۆەنا سيمفونيالىق وركەسترىمەن بىرگە ونەر كورسەتتى.

2012-جىلى حالىقارالىق عىلىمي-ونەركاسىپتىك پالاتا بەلگيادا التىن مەدال مەن Demerito ديپلومىن تابىس ەتتى.