19:26, 21 - جەلتوقسان 2021 | GMT +5
كەنتاۋدا رامىزدەر الاڭى سالىنىپ جاتىر
تۇركىستان. قازاقپارات - كەنتاۋ قالاسىندا «رامىزدەر الاڭىنىڭ» قۇرىلىسى ءجۇرىپ جاتىر.
تاۋەلسىزدىكتىڭ 30 جىلدىعىنا تارتۋ رەتىندە قولعا الىنعان يگى ءىس كەلەر جىلدىڭ ناۋرىز ايىندا اياقتالادى، دەپ حابارلايدى قازاقپارات ءتىلشىسى.
جۋىردا جەرگىلىكتى تۇرعىندار «كوكتوبە» دەپ اتاپ كەتكەن جەرگە 25 مەتر بيىكتىككە مەملەكەتتىك تۋ ورناتىلدى. قازىرگى كەزدە «رامىزدەر الاڭىنىڭ» ماڭايىنا جارىقشامدار مەن ورىندىقتار قويىلىپ، كولىك تۇراقتارى ورنالاستىرىلىپ جاتىر.
«بۇل ايماقتى جەرگىلىكتى تۇرعىندار مەن قوناقتار كەلىپ تاماشالايتىن مەكەنگە اينالدىرامىز دەگەن جوسپارىمىز بار. الاڭنىڭ اينالاسىنان كاسىپكەرلىك ماقساتقا اۋكتسيون ارقىلى جەر بەرىلەدى. مەيرامحانا، قوناق ءۇي سەكىلدى حالىققا قىزمەت ەتەتىن نىساندار بوي كوتەرەدى. بۇل ايماق كەنتاۋ قالاسىن توبەدەن كورىپ، تاماشالاۋعا وتە قولايلى جەر»، - دەيدى قالا اكىمىنىڭ ورىنباسارى قۋانىش يسكاكوۆ.
