نۇر- سۇلتاندا قوسىمشا ءبىلىم بەرۋ ۇيىمدارى اشىلادى
«بۇگىندە ەلوردادا 205 مىڭ وقۋشى بار. بيىل 24 مىڭ ءبۇلدىرشىن مەكتەپ تابالدىرىعىن اتتادى. قالادا قوسىمشا ءبىلىم بەرۋمەن اينالىساتىن 11 ۇيىم بار، وندا 142101 بالا ءبىلىمىن تولىقتىرىپ جاتىر. وسىلايشا ەلوردالىق وقۋشىلاردىڭ 74 پايىزى قوسىمشا بىلىممەن قامتاماسىز ەتىلگەن. ونىڭ 11 پايىزى الەۋمەتتىك وسال توپقا جاتاتىن وتباسىنىڭ بالالارى. ياعني الەۋمەتتىك از قامتىلعان وتباسىدان شىققان جانە جەتىم بالالار قوسىمشا ءبىلىم بەرۋمەن تەگىن قامتىلعان»، - دەدى ق. سەنعازيەۆ قالالىق ءماسليحاتتىڭ قوعامدىق كەڭەسىنىڭ وتىرىسىندا.
سونداي- اق، باسقارما باسشىسى استانالىق وقۋشىلاردى قوسىمشا ءبىلىم بەرۋمەن ودان ءارى قامتۋدىڭ جوسپارىمەن ءبولىستى.
«قابىلدانىپ، ىسكە اسىپ جاتقان شارالارعا قاراماستان ەلوردادا قوسىمشا ءبىلىم بەرۋ كۇن تارتىبىندەگى ماسەلەنىڭ ءبىرى بولىپ قالا بەرەدى. وسى تۇرعىدا كەلەسى جىلى 3 قوسىمشا ءبىلىم بەرۋ ۇيىمىن اشۋ جوسپارى تۇر. وسىلايشا تاعى 5 مىڭ استانالىق وقۋشى قوسىمشا ءبىلىم بەرۋمەن قامتىلماق. قوسىمشا ءبىلىم بەرۋ 8 باعىتتان تۇرادى. ول عىلىم، تەحنولوگيا، تۋريزم، ساۋىقتىرۋ، ينكليۋزيۆ، الەۋمەتتىك- گۋمانيتارلىق، شىعارماشىلىق، كوركەمونەر. جالپى قازىرگى ۋاقىتتا وقۋشىلاردىڭ 26 پايىزى قوسىمشا ءبىلىم بەرۋمەن قامتىلماعان»، - دەيدى ول.
ونىڭ ايتۋىنشا، بۇگىندە قالادا مەملەكەتتىك ۇيىمداردان بولەك 100-گە جۋىق جەكە ۇيىم قوسىمشا ءبىلىم بەرۋمەن اينالىسادى.
اۆتور: ءالي يبرايەۆ
