قاتتى ايازدا كىمدەرگە دالادا جۇرۋگە بولمايدى؟ دارىگەر جاۋابى

نۇر-سۇلتان. قازاقپارات - قاتتى اياز سوزىلمالى رەسپيراتورلىق اۋرۋلارى بار ادامدار ءۇشىن اسا قاۋىپتى، ءبىراق ءتىپتى ساۋ ادامداردا دا ايازدا جاعىمسىز رەاكسيا بولۋى مۇمكىن.

بۇل تۋرالى ماسكەۋ دەنساۋلىق ساقتاۋ دەپارتامەنتىنىڭ تۇرعىندارعا العاشقى مەديتسينالىق- سانيتارلىق كومەك كورسەتۋ بويىنشا شتاتتان تىس باس مامانى اندرەي تياجەلنيكوۆ ايتتى، - دەپ حابارلايدى ريا نوۆوستي.

«قاتتى اياز اسىرەسە سوزىلمالى رەسپيراتورلىق اۋرۋى بار ادامدار ءۇشىن قاۋىپتى. ولاردا ەنتىگۋ، جوتەل جانە باسقا دا اۋرۋلارى ءورشىپ كەتۋى مۇمكىن»، - دەدى تياجەلنيكوۆ.

ونىڭ ايتۋىنشا، ءتىپتى ساۋ ادامدار دا ايازدى اۋاعا جاعىمسىز رەاكسيا تۋدىرۋى مۇمكىن.

«ولاردىڭ تىنىس الۋى قيىنداپ، قۇرىسىپ قالۋى مۇمكىن. سوندىقتان مىندەتتى تۇردە بەتىڭىزدى ورامالمەن جاۋىپ، سۋىق ءتيۋدى ازايتۋعا تىرىسۋ كەرەك»، - دەپ قوستى دارىگەر.