نۇر-سۇلتان ماڭىندا دەمالۋعا ارنالعان ورىندار - فوتو
دەمالىس كۇندەرى دە قالادا شۋ باسىلماي، تىرشىلىك قايناپ جاتادى. ءبىراق قالا تۇرعىندارىنا كەيدە تىنىشتىق پەن دەمالىس قاجەت. Kaz.tengritravel.kz پورتالى Aviata.kz سەرۆيسىمەن بىرلەسە وتىرىپ، نۇر-سۇلتان ماڭىنداعى تۇرعىندار مەن قالا قوناقتارىنا قىستا جاقسى ۋاقىت وتكىزىپ، دەمالاتىن جەرلەر جايلى باياندايدى.
نۇر-سۇلتان قۇرعاق دالادا ورنالاسقان، سوڭعى جىلدارى جاسىل بەلدەۋ پايدا بولسا دا جاسىل وسىمدىككە باي ەمەس. دەگەنمەن جاقىن جەرلەر وزەن- كولگە، ورمان- توعايعا، ءتىپتى تاۋعا دا باي. ولار قاتتى الىس تا ەمەس، قالا شۋىنان مەزى بولعاندار ءۇشىن ءاردايىم بارىپ دەمالۋعا تۇرارلىق.
ماتەريالدا ىڭعايلى دەمالىس ورىندارىمەن قاتار تابيعي دەمالىس پەن ادەمى فوتوسەسسيا جاسايتىن جەرلەر دە بەرىلەدى.
قىس ەرتەگىسى قالادان 10 مينۋتتىق جەردە
قالاعا ەڭ جاقىن - قوسشى اۋىلى. مۇندا نۇرا وزەنى اعىپ جاتىر. ونىڭ كوپتەگەن سالالارى بار جانە قالا تۇرعىندارىنىڭ ەڭ تانىمال دەمالىس ورىندارى وسى جەردە ورنالاسقان. ولاردىڭ كەيبىرى - Green Park جانە «چيستىە پرۋدى». مۇندا ناعىز قىسقى ەرتەگىنى كورۋگە بولادى: قار كولىگىمەن ءجۇرۋ، كونكي مەن شانا تەبۋگە بار جاعداي جاسالعان. سونىمەن قاتار، مۇندا قىسقى پەيزاجدى جانە مەيىرىمدى حاسكي يتتەرىمەن ادەمى فوتوسۋرەتتەر تۇسىرۋگە بولادى.
سونداي- اق، «نۇرا» دەمالىس ءۇيى بار، وندا ءسىز ناعىز قىستى بارلىق سانىمەن تاماشالاۋعا، اتقا ءمىنىپ، كونكي تەبە الاسىز، مۇنىڭ ءبارى قارلى كورىنىس اياسىندا جۇزەگە اسادى. بالىق اۋلاۋشىلار ءۇشىن قالادان 30 مينۋتتىق جەردە تاماشا ورىن بار، ول - «ستوليچنىە راكي». بالىق اۋلاۋ ءۇشىن ءسىز وزىڭىزبەن بىرگە قۇرال- جابدىق پەن جاقسى كوڭىل- كۇيدى اكەلىپ، ەرتە وزەن جاعاسىنا كەلىپ ورنالاسۋىڭىز قاجەت. مۇندا ىڭعايلى پيرس، بەسەدكا، ۇيلەر مەن مەيرامحانالار بار. «ارلان» قوناق ءۇيى ءوز قوناقتارىن ادەتتەن تىس قىسقى باعدارلاماسىمەن تاڭ قالدىرادى: ايازدى اۋادا جىلىتاتىن گلينتۆەين مەن ءزىمبىر توقاشتارى بار پيكنيك تە بولادى. مۇندا ءسىز كەرلينگ نەمەسە حوككەي وينايسىز.
الاۋ، گلينتۆەين جانە مۇزدى سۋات
ايدارلى (كراسنىي گورنياك) اۋىلىندا قاراعايلى ورماندى كوركەم جەردە Family Garden دەمالىس ايماعى بار. مۇندا ءسىز اشىق اۋادا گلينتۆەين مەن شوققا پىسىرىلگەن كارتوپتىىڭ ءدامىن تاتا الاسىز. ايازدى اۋا مەن الاۋلاعان وت، سۋىق مۇزدى سۋات جانە ىستىق ۆاننا - مۇندا كوپتەگەن قاراما- قايشىلىقتار بار دەسە بولادى. مۇنىڭ بارلىعى قار كولىگىمەن نەمەسە اتتى شانامەن ءجۇرۋدى ۇناتاتىن دەمالۋشىلارعا ارنالادى. ال مەيرامحانادا ءدامدى تۇسكى استان كەيىن ۇلكەن كومپانيامەن ۇستەل ويىندارىن ويناۋعا بولادى.
جۇلدىزدى اسپان استىندا كونكي تەبۋ
نۇر-سۇلتاننان 20 مينۋتتىق جەردە اققايىڭ اۋىلىندا (بۇرىنعى مالوتيموفەيەۆكا) BalQaragai دەمالىس ايماعى بار. بيىل شاڭعى، سنوۋبورد، جانە شانا تەبۋگە ارنالعان تىك بەتكەيلەر دە بار. باۋرايدىڭ بيىكتىگى 20 مەتر، ۇزىندىعى 200 مەتر. بۇل ەڭ تىك نەمەسە ەڭ قيىن ەڭىس ەمەس، ءبىراق ونى جاڭادان باستاعاندار جاقسى كورەدى. بۇل دەمالىس ورتالىعىنىڭ باستى ەرەكشەلىگى - تۇندە شاڭعى تەبۋ. ءتۇن، ەڭىس، شامدار مەن گيرلياندالاردىڭ جارىعى، ايازدى اۋا - سوزبەن ايتىپ جەتكىزۋ مۇمكىن ەمەس اتموسفەرا مەن سەزىمگە بولەنەسىز. ەڭ باستىسى جىلى كيىنىپ، ىڭعايلى كومپانيا تابۋ. بىرگە بۇل دەمالىس قىزىقتى، ءارى كوڭىلدى وتپەك.
اڭشىلىق پەن اتۋدى ۇناتاتىندارعا
ادام اياعى باسپاعان ەرەكشە تابيعات نۇر- سۇلتاننان كەيىن ءبىراز جۇرگەن سوڭ باستالادى. سونداي ورىنداردىڭ ءبىرى قوياندى سۋ قويماسى مەن قوياندى اۋىلىنىڭ ماڭىنداعى - «زولوتوي فازان» دەمالىس ايماعى. كادىمگى قىسقى شارالاردان بولەك، ۇيىمداستىرۋشىلار قوناقتار ءۇشىن اتۋ مەن اڭ اۋلاۋعا قاجەتتىنىڭ بارلىعىن دايىنداعان. ساداق اتۋ، اربالەت، مىلتىق اتۋ بار. ءسىز قىرعاۋىل، قويان، جابايى قابان مەن قاز اۋلاي الاسىز. مۇندا ءسىز پوني، ات، تۇيەگە مىنۋگە بولادى. قوناقتارعا ارنالعان جابىق باسسەين، مونشا، ۇيلەر، شاعىن بولمەلەر، مەيرامحانا جانە ۇزىن ەكسترەمالدى سىرعاناق بار.
شىڭدى باعىندىرۋدى سۇيەتىندەر ءۇشىن
شىڭدى باعىندىرۋدى ۇناتاتىن، ءبىراق الماتىعا جەتە المايتىندار ءۇشىن يمانتاۋ كولىنە بارسا بولعانى. ول نۇر- سۇلتاننان ەكى ساعاتتىق جەردە ورنالاسقان. مۇندا ماۋسىم مامىردا باستالىپ، قىركۇيەكتە اياقتالادى، تۋريستەردىڭ ەڭ كوپ بولىگى شىلدە مەن تامىز ايلارىندا بولادى. وسىعان قاراماستان، بۇل جەردە قىستا وتە ادەمى. مۇزعا اينالعان كولدى قاراعاي مەن قايىڭ، تاۋ مەن جارتاس قورشاپ جاتىر. سونىمەن قاتار، جاقىن جەردە ەلەكتر قۋاتى بار جاقسى جابدىقتالعان كەمپينگ، اس ءۇي، ساۋنا جانە باربەكيۋ بار.
كولگە جىلى كيىم جانە ىڭعايلى اياق كيىممەن كەلۋ كەرەك، ويتكەنى سۋ قويماسىنىڭ اينالاسىندا تەك جاياۋ جەتۋگە بولاتىن كوركەم جەرلەر بار: جەڭىل كوتەرىلەتىن كوتەلوك شوقىسى، ادەمى كورىنىستى ۋگلوۆايا شوقىسى، بورەنە جولى اپاراتىن جانە شولۋ الاڭى بار راكەلسكي ۇڭگىرى، جاعادان ءتورت شاقىرىم جەردە ورنالاسقان كازاچي ارالى جۇرەك ءپىشىندى، ارشا توعايلارى بار ەرەكشە وسىمدىكتى بۋيان شاتقالىمەن ەرەكشەلەنەدى. تاۋ جىنىستارىنىڭ ماكسيمالدى بيىكتىگى تەڭىز دەڭگەيىنەن 660 مەتردى قۇرايدى.
زەرەندى - قۇندى تابيعي ەسكەرتكىش
زەرەندى كولى يمانتاۋ ماڭىندا ورنالاسقان - قۇندى تابيعات ەسكەرتكىشى. بۇل جەر تۇنىق سۋىمەن، جارتاستار جانە قىلقان جاپىراقتى ورماندارمەن قورشالعان دەمالىس ورنى. مۇنداعى ينفراقۇرىلىم بۋرابايداعىداي جاقسى بولماعاندىقتان، مۇندا جاي تابيعات اياسىندا دەمالۋعا كەلەدى.
جاقىن جەردە ورنالاسقان «زەرەندى پارك» نەمەسە «اۆرورا گاردەن» سياقتى دەمالىس ورىندارى تۇرعىن ۇيمەن، تاماقتانۋ، مونشامەن قامتاماسىز ەتىلسە، كەيبىرەۋلەرى قىسقى ويىن- ساۋىق ءۇشىن جاعداي جاساعان. Zeren سياقتى باسقالارى ءسىزدى ساۋىقتىرۋ ەم- شارالارىمەن قۋانتادى: گيدروتەراپيا، ينگالياتور، فيتوبار، بالقاراعاي بوشكەلەرى جانە دەتوكس باعدارلاماسى.
بۇل جەر قىستا ۋاقىتتى بەلسەندى وتكىزىپ، شىڭ باعىندىرۋدى ۇناتاتىندار ءۇشىن سۇرانىسقا يە. جىلدىڭ وسى ۋاقىتىندا، ارينە، جارتاستاردا سەرۋەندەۋ تەك ارنايى جابدىقپەن جانە تەك كاسىبي ماماندارعا عانا ۇسىنىلادى. سوعان قاراماستان زەرەندىنىڭ كورىكتى جەرلەرىن ارالاۋ، شاڭعى مەن شانا تەبۋ، قىسقى ورماندا سەرۋەندەۋدى سۇيەتىندەر ءۇشىن قولجەتىمدى. سونىمەن قاتار، مۇنداي تۋردىڭ باعدارلاماسىنا قازاقستانداعى جالعىز كوبەلەك مۇراجايىنا بارۋ كىرەدى. ءبىر كۇندىك تۋردىڭ قۇنى 15 مىڭ تەڭگەدەن اسپايدى، مۇنداي دەمالىستان العان اسەرىڭىز ناۋرىز مەرەكەلەرىنە دەيىن جەتەدى.
نۇر-سۇلتان ەلىمىزدىڭ قاق جۇرەگىندە ورنالاسقان، قالا ارقىلى كوپتەگەن ءىرى ماگيسترالدار وتەدى. بۇل اسەم جەرلەرگە وسى جايلى جول ارقىلى جەتۋگە بولاتىنىن بىلدىرەدى. ەگەر جانىڭىز ادەمى تابيعاتتى اڭساسا، اۆتوموبيلدە جانارماي تولىق بولسا، وزىڭىزبەن شاي، تاتتىلەر الىپ، سىلەتى وزەنىنىڭ ماڭىنا دەمالۋعا بارىڭىز. ونىڭ جاعاسىنىڭ بيىكتىگى 40 مەتر. وزەننىڭ تىك يىندەرى، جاعاسىنداعى جارتاستارى مەن جان- جاققا سوزىلىپ جاتقان توبەلەرى سەبەپتى بۇل جەر «دالاداعى كەڭىستىك» دەگەن لاقاپ اتقا يە بولعان. وسى اتتاس اۋىلدىڭ جانىندا بوگەتپەن سىلەتى سۋ قويماسى ورنالاسقان. مۇندا بالىق اۋلاۋعا بولادى. بۇل ورىنداردا قولايلى دەمالىس ورىندارى جوق. دەگەنمەن، تابيعاتتا دەمالىپ، تازا اۋا جانە ادەمى فوتوسۋرەتتەر ءۇشىن ءبىر كۇندىك ساياحاتقا شىعۋعا تۇرارلىق جەر.
نۇر-سۇلتان - بۋراباي باعىتىنداعى جولدا ءبىر ساعات جۇرگەن سوڭ اقكول قالاسىنا جەتۋگە بولادى. بۇل شاعىن قالا باي ورماندى القاپتارمەن قورشالعان. مۇندا ءسىز تابيعاتپەن ەتەنە ارالاسىپ، كۇش جيناي الاسىز، ءتىپتى ورمان جانۋارىن دا كەزدەستىرۋگە بولادى. مۇندا ادامداردىڭ كوپشىلىگى شاتىرى مەن باربەكيۋ بار كولىكپەن كەلەدى، سونىمەن قاتار ەڭ جاقىن تۋريستىك كەشەننەن، كۋرورتتىق نەمەسە زاماناۋي ينفراقۇرىلىمى بار دەمالىس ايماعىنان بولمە جالعا الۋعا دا بولادى.
ءارى قاراي سول تاسجولدىڭ بويىمەن بارلىعىنىڭ سۇيىكتى ۇلتتىق تابيعي ساياباعى بۋرابايعا دەيىن بارۋعا بولادى. بۇل جەردىڭ سۇلۋلىعى تەك قاراعايلى ورمانداردا عانا ەمەس، سونىمەن قاتار، كوركەم تاۋلارى مەن كولدەرىندە.
ساياباقتىڭ اۋماعىندا 14 كول بار، ولاردىڭ ىشىندە ەڭ تانىمالدىسى - بۋراباي، ۇلكەن جانە مالوە چەباچە، قاتاركول، مايبالىق. اۋداننىڭ ەڭ بيىك نۇكتەسى - كوكشەتاۋ تاۋى. وڭتۇستىگىندە بۋراباي تاۋى (690 مەتر) - تاماشا پانورامالىق نۇكتەسى. ودان ءارى وڭتۇستىكتە شۋچين توبەلەرى جاتىر، ولاردىڭ ەڭ ۇلكەنى جەكە- باتىر دەپ اتالادى. وقجەتپەس تاۋى مەن جۇمباقتاس ارالى - بۋراباي كولىنىڭ ناعىز ءسانى مەن بەتكەۇستار كورىكتى جەرى. ءار دەمالۋشىنىڭ اتى اڭىزعا اينالعان جارتاستىڭ فونىنداعى سۋرەتى بارى انىق.
ساياحاتتاۋ - ول دا ءبىر جاۋاپكەرشىلىك ەكەنىن اۆياتا ەسكە سالادى. كەيىنگى ۇرپاقتىڭ سالاۋاتتى ءومىرى ءۇشىن جانە قايتار جولىمىزدىڭ تازالىعى ءۇشىن تابيعاتتى بارىنشا ايالايىق.
تابيعاتتىڭ ەرتەڭ قانداي بولارى ءبىزدىڭ قولىمىزدا. باستامانى قولداۋ ءۇشىن ءوزىڭىزدىڭ «سانالى» ساياحاتتارىڭىزدان #jasylbolsyn اۆياتا حەشتەگىمەن فوتوسۋرەتتەر مەن بەينە- ۆيدەولاردى جۇكتەۋگە بولادى.
