الەمدە «وميكرون» شتامى ءورشىپ بارادى

نۇر-سۇلتان. قازاقپارات – گەرمانيا دەنساۋلىق ساقتاۋ ءمينيسترى ۇكىمەتتەگى ساراپتامالىق كەڭەستىڭ بايلانىستاردى شەكتەۋ تۋرالى تالاپتارىنا قاراماستان روجدەستۆو الدىندا قاتاڭ شەكتەۋلەر قويماۋعا ۋادە بەردى.

بۇل تۋرالى قازاقپارات Covid-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram كانالىنا سىلتەمە جاساپ.

كارل لاۋتەرباح: «بىزدە روجدەستۆو الدىندا گوللاندياداعىداي لوكداۋن بولمايدى»، - دەدى. مينيستر بارشا حالىقتى، اسىرەسە تاۋەكەل توبىنداعى ادامدارداردى رەۆاكسيناتسياعا بەلسەندىلىك تانىتۋعا شاقىردى. ول گەرمانيادا ينفەكسيا جۇقتىرۋ جاعدايلارىنىڭ ءالى دە تىركەلىپ جاتقانىن اتاپ ءوتتى. ول ازاماتتاردى ادام كوپ جينالاتىن ورىنداردان اۋلاق بولۋعا، بەتپەردە تاعۋعا، كەزدەسۋلەر الدىندا جانە روجدەستۆو مەرەكەلەرى كەزىندە ەكسپرەسس-تەستتەردى ءجيى قولدانۋعا شاقىردى.

«وميكرون» شتامى ا ق ش-تا باسىمدىق تانىتۋدا. كوروناۆيرۋستىڭ بۇل ءتۇرى وتكەن اپتادا COVID-19 ينفەكسياسىن جۇقتىرۋدىڭ %73 ىندا انىقتالدى، دەپ حابارلايدى Assosoated Press اۋرۋلاردى باقىلاۋ جانە الدىن الۋ ورتالىعىنىڭ مالىمەتتەرىنە سىلتەمە جاساپ.

وتكەن اپتامەن سالىستىرعاندا ەلدەگى «وميكروننىڭ» ۇلەسى التى ەسەگە جۋىق ءوستى، ال كەيبىر ايماقتاردا ۆيرۋستىڭ بۇل نۇسقاسى جاڭا جاعدايلاردىڭ %90 قۇرايدى. سونىمەن بىرگە، د د ۇ- دا ۆيرۋستىڭ وسى نۇسقاسىنىڭ تارالۋ جىلدامدىعى تۋرالى ايتا وتىرىپ، جاڭا شتامم وتكەن مۋتاتسيالارمەن سالىستىرعاندا ءولىم تۇرعىسىنان ءقاۋىپى تومەن ەكەنىن اتاپ ءوتتى.