د د س ۇ: رەسەيدە ىندەت قايتا ءورشۋى مۇمكىن

نۇر-سۇلتان.قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ رەسەيدەگى وكىلى مەليتا ۆۋينوۆيچتىڭ پايىمىنشا، رەسەيدە ىندەت قايتا ءورشۋى مۇمكىن.

جاعدايدىڭ ءبىرشاما تۇراقتالعانىنا قاراماستان توقمەيىلسۋگە بولمايدى. ايتا كەتەيىك، رەسەي الەمدە وميكروننىڭ تارالۋىنا بايلانىستى ءبىرقاتار ەلدەرمەن بايلانىستى شەكتەپ، اۋەجايلاردا باقىلاۋدى كۇشەيتكەن. ال ا ق ش- تىڭ نيۋ- يورك شتاتىندا ىندەت قايتا ءورشىپ، كوروناۆيرۋستى جۇقتىرعاندار ارتتى. سوڭعى مالىمەتكە قاراعاندا ءبىر كۇندە ايماقتا 23 مىڭنان اسا ادام ۆيرۋس جۇقتىرعان. بيلىك الداعى ۋاقىتتا بۇل كورسەتكىش بۇدان دا ءۇشىعۋى مۇمكىن دەپ وتىر.

ۆيرۋستى جۇقتىرعاندار قاتارىنىڭ ارتۋىنا بايلانىستى نيۋ- يورك قالاسىنداعى پ ت ر- تەست تاپسىراتىن ورتالىقتاردىڭ الدىندا ۇزىن- سونار كەزەك پايدا بولعان. دەگەنمەن بيلىك ۆاكسينالاۋدى كۇشەيتۋ ارقىلى ىندەتتىڭ تارالۋىن توقتاتۋعا قول جەتكىزۋگە بولادى دەيدى.

بيلل دە بلازيو، نيۋ- يورك قالاسىنىڭ ءمەرى:

- كوروناۆيرۋستىڭ وميكرون تۇرىنە بايلانىستى الداعى بىرنەشە اپتادا جاعداي ۋشىعۋى مۇمكىن. شتام جۇقپالى بولعانىمەن وعان شالدىققانداردىڭ اۋرۋى جەڭىل ءوتىپ جاتقانى كوڭىلگە مەدەۋ. ءبىراق ءبىز ونىڭ تەز تارالاتىنىن ۇمىتپاۋىمىز كەرەك. سوندىقتان بۇل دەرتپەن كۇرەستە جىلدام قيمىلداپ، ۆاكسينالاۋدى كۇشەيتۋ ماڭىزدى.

www.24.kz