جاڭا جىلدا پيروتەحنيكا قولدانعان كەزدە قانداي قاۋىپسىزدىك تالاپتارىن ساقتاۋ كەرەك
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، جاڭا جىل مەرەكەسىندە ءوڭىر بويىنشا ءورت وقيعالارى جيىلەي تۇسەدى. بۇعان پيروتەحنيكا قولدانعان كەزدەگى قاۋىپسىزدىك شارالارىنىڭ ساقتالماۋى سەبەپ بولىپ جاتادى.
«جاڭا جىلدىڭ بەنگال شامى جانە مەرەكەلىك وتشاشۋسىز وتپەيتىنى بەلگىلى. الايدا پيروتەحنيكادان ءورت شىعۋ قاۋپى بار ەكەندىگىن ۇمىتپاۋ كەرەك. ءتىپتى ودان وت تۇتانىپ قانا ەمەس، ادامنىڭ جاراقات الۋى دا ابدەن مۇمكىن. پەتاردالاردى، بەنگال شامى مەن ءتۇرلى وتشاشۋدى ساتىپ العان كەزدە ەڭ الدىمەن نەگە نازار اۋدارۋ قاجەت؟ اۋەلى ءونىمنىڭ سەرتيفيكاتتالعانىنا كوز جەتكىزىڭىز. سودان كەيىن پيروتەحنيكانى پايدالانۋ ەرەجەلەرىمەن تانىسۋ كەرەك. ونى ساقتاۋ مەرزىمىنە نازار اۋدارۋدى ۇمىتپاڭىز. ەگەر ءونىم مەرزىمى ءوتىپ كەتسە، پيروتەحنيكانى ەشقانداي جاعدايدا قولدانۋعا بولمايدى»، - دەيدى وبلىستىق ت ج د مەملەكەتتىك ءورت باقىلاۋ باسقارماسى باستىعىنىڭ ورىنباسارى رۇستەم سەمبايەۆ.
ونىڭ ايتۋىنشا، قاپتاما ءبۇتىن، جىرتىلماعان بولۋى ءتيىس. پيروتەحنيكانى جاققان كەزدە تەمەكى شەگۋگە قاتاڭ تىيىم سالىنادى. كولىكتەردىڭ جانىندا وتشاشۋدى اتۋعا بولمايدى. 50 مەتر راديۋستا ءورت قاۋپى بار وبەكتىلەر بولماۋى قاجەت.
