الماتىدا باس شىرشانىڭ شامدارى جاعىلدى
سالتاناتتى راسىمگە الماتى اكىمىنىڭ ورىنباسارى ەرجان باباقۇماروۆ قاتىستى. جاڭا جىلدىڭ باستى سيمۆولىنىڭ بيىكتىگى - 20 مەتر. باس شىرشا جارىق ديود گيرلياندالارمەن، جاڭاجىلدىق ويىنشىقتارمەن بەزەندىرىلگەن.
ەسترادا جۇلدىزدارى قاتىسقان بۇل شارا قالا بويىنشا جاڭاجىلدىق ءىس-شارالاردى باستاۋعا مۇمكىندىك بەردى.
مەگاپوليستىڭ بارلىق سەگىز اۋدانىندا 100 دەن استام فوتوايماق ورناتىلعان، ونىڭ ىشىندە شىرشالار، شاعىن ساۋلەت نىساندارى جانە جاڭا جىلدىق بەزەندىرۋدىڭ باسقا دا ەلەمەنتتەرى بار. سونداي-اق، 21-30- جەلتوقسان ارالىعىندا قالا اكىمدىگىنىڭ قولداۋىمەن «جاڭاجىلدىق كەرۋەن» ۇيىمداستىرىلدى.
قالا قوناقتارى مەن تۇرعىندارىن جۇك كولىكتەرىنىڭ كەرۋەنى كۇتەدى: دەكوراتسيالار، مىڭداعان جارىقتاندىرۋ، جارىق شوۋلارى، جارقىن فوتوايماقتار جانە ۇلكەن سىيلىقتار جارمەڭكەسى. 30 مىڭ مەتردەن استام جارىق گيرلياندالارى، شامدار مەن قىزىقتى ديزاين ەشكىمدى بەي-جاي قالدىرمايدى.
جۇك كولىكتەرىنىڭ قوزعالىسى الەۋمەتتىك جەلىلەردە جاريالانادى. سونىمەن قاتار، كۆي تارالۋىنا قارسى ءىس-قيمىل جونىندەگى قالالىق شتاب كۇردەلى سانيتارلىق-ەپيدەميولوگيالىق احۋالعا جانە وميكرون شتاممىنىڭ تارالۋ قاۋپىنە بايلانىستى ساقتىق شارالارىن - ماسكا رەجيمىن جانە الەۋمەتتىك قاشىقتىقتى ساقتاۋ قاجەت ەكەنىن ەسكە سالادى.
الماتىلىقتارعا ۆاكتسيناتسيانى جالعاستىرۋ كەرەك، ال بۇرىن ەگىلگەندەردى قايتا ۆاكسينالاۋ قاجەت. ۆاكتسيناتسيا پۋنكتىلەرى جۇمىسىن جالعاستىرىپ جاتىر.
