ۆەتنامعا راي تايفۋنى تاياپ كەلەدى
جاعادا ورنالاسقان مىڭداعان تۇرعىندى شۇعىل قاۋىپسىز جەرگە كوشىرۋگە تۋرا كەلدى. بيلىك بالىق اۋلايتىن قايىقتارعا تەڭىزگە شىقپاۋعا كەڭەس بەرگەن. اسكەر جاعالاۋعا قۇم سالىنعان قاپتار توسەپ، سۋ تاسقىنىن بولدىرماۋعا ارەكەت قىلۋدا. قازىر بۇل ەلگە راي تايفۋنى جاقىنداپ كەلەدى. فيليپپيندە تايفۋن قۇرباندارىنىڭ سانى ارتۋى مۇمكىن فيليپپيندەگى تايفۋننان قۇربان بولعاندار سانى ارتۋى مۇمكىن. ويتكەنى سۋ استىندا قالعان بىرنەشە قالا جانە اۋىلمەن بايلانىس ۇزىلگەن. سونداي- اق وڭىرلىك 3 اۋەجايعا زاقىم كەلگەن. قۇتقارۋشىلار ۇشتى- كۇيلى جوعالىپ كەتكەن 50 دەن استام تۇرعىندى ىزدەپ جاتىر. تاعى 240 قا جۋىق كىسى جاراقات الدى. ايماقتا وتكەن جۇمادان بەرى سوققان دۇلەي داۋىلدىڭ ەكپىنى ساعاتىنا 270 شاقىرىمعا دەيىن جەتكەن. تابيعي اپاتتان زارداپ شەككەن ايماقتارعا پرەزيدەنتتىڭ ءوزى باردى.
رودريگو دۋتەرتە، فيليپپين پرەزيدەنتى:
- قازىرگى جاعدايدا حالىققا ەڭ كەرەگى - اۋىز سۋ مەن ازىق- تۇلىك. ادامدار ءبىر جۇتىم سۋ مەن ءبىر ءتىلىم نانعا زار بولىپ ءجۇر. سوندىقتان كۇيزەلگەن جۇرتتى كەرەك- جاراقپەن تەز ارادا قامتاماسىز ەتۋىمىز كەرەك.
مالايزيادا تۇتاس ەلدى مەكەندەر سۋعا كەتتى مىڭداعان عيمارات پەن كولىك جارامسىز بولىپ قالعان. تابيعي اپات 3 ادامنىڭ ءومىرىن جالمادى. 10 تۇرعىن ءىز- ءتۇزسىز جوعالىپ كەتكەن. قۇتقارۋ جۇمىسىنا 66 مىڭنان استام پوليتسيا قىزمەتكەرى، اسكەري جانە ءورت ءسوندىرۋشى جۇمىلدىرىلدى. 40 مىڭنان اسا تۇرعىن جىلى ورنىن سۋىتۋعا ءماجبۇر بولعان. ءقازىر ەل بويىنشا باسپاناسىز قالعاندار ءۇشىن 17 ۋاقىتشا پانالاۋ ورتالىعى جاساقتالىپ جاتىر. ەل ۇكىمەتىنىڭ حابارلاۋىنشا، الاپات تاسقىن سالدارىنان قيراعان ينفراقۇرىلىم مەن تۇرعىن ۇيلەردى قالپىنا كەلتىرۋ ءۇشىن 24 ميلليونداي دوللار بولىنەدى. بيلىك قاجەت بولسا، تاعى قوسىمشا قاراجات قاراستىرۋعا ۋادە بەردى.
- مەن بۇعان دەيىن مۇنداي سۇمدىق سۋ تاسقىنىن كورگەن ەمەسپىن. ۇلكەن زارداپقا ۇرىندىق.
- جاڭبىر نەگىزى ءجيى جاۋادى عوي، ءبىراق مۇنشا كولەمدە تۇسەدى دەپ ەش ويلاعان ەمەسپىز. بارىمىزدان ايىرىلدىق.
www.24.kz
