اسقار مامين رەسەيدىڭ ۇكىمەت باسشىسى ميحايل ميشۋستينمەن كەلىسسوز جۇرگىزدى
ر ف ۇكىمەتىنىڭ ۇيلەستىرۋ ورتالىعىندا ا. مامين مەن م. ميشۋستين ساۋدا-ەكونوميكا، قارجى-ينۆەستيتسيا، ترانزيتتىك-كولىك، اۋىل شارۋاشىلىعى، مۇناي-گاز حيمياسى، ەنەرگەتيكا، عارىش سالالارىنداعى قازاقستان-رەسەي ىنتىماقتاستىعىن ودان ءارى ارتتىرۋدىڭ پەرسپەكتيۆالارىن، سونداي-اق ونەركاسىپتىك كووپەراتسيا شەڭبەرىندەگى جوبالاردى تالقىلادى.
ەۋرازيالىق ەكونوميكالىق وداق فورماتىنداعى ءوزارا ءىس-قيمىلدىڭ وزەكتى ماسەلەلەرى، سونداي-اق COVID-19 تارالۋىنا قارسى كۇرەس جانە ق ر مەن ر ف ەكونوميكالارى ءۇشىن پاندەميا سالدارىن جويۋ جونىندەگى بىرلەسكەن شارالار قارالدى.
ا. مامين ەكى ەلدىڭ ۇلتتىق ەكونوميكالارىن بەلسەندى قالپىنا كەلتىرۋ اياسىندا قازاقستان مەن رەسەي اراسىنداعى ساۋدا-ەكونوميكالىق قاتىناستار مەن ينۆەستيتسيالىق ىنتىماقتاستىقتىڭ دامۋىنىڭ جوعارى ديناميكاسىن اتاپ ءوتتى. وسى جىلدىڭ 10 ايىنىڭ قورىتىندىسى بويىنشا ق ر مەن ر ف اراسىنداعى ساۋدا كولەمى %30 عا ارتىپ، $19,5 ميللياردقا جەتتى. بۇل رەتتە ساۋدا قۇرىلىمىن ءارتاراپتاندىرۋدا ىلگەرىلەۋشىلىك بايقالادى - قازاقستاننىڭ ەكسپورت كولەمى %39,4 عا، ونىڭ ىشىندە وڭدەلگەن ونىمدە %47,7 عا ءوستى. ەكسپورت قۇرىلىمىندا مۇناي-حيميا سالاسىنىڭ (%18,6)، ماشينا جاساۋ (%21,9)، حيميا (%33,1) جانە جەڭىل (%27,1) ونەركاسىپ ءونىمى ۇلعايدى.
پاندەمياعا دەيىنگى 2019-جىلمەن سالىستىرعاندا ساۋدا كولەمى %21 دان استامعا ءوستى. 2021-جىلدىڭ ءبىرىنشى جارتىسىندا ر ف- نىڭ ق ر ەكونوميكاسىنا تىكەلەي ينۆەستيتسيالارىنىڭ كولەمى %17 عا ارتىپ، $704,9 ميلليون قۇرادى. ونەركاسىپتىك كووپەراتسيا سالاسىندا ماشينا جاساۋ، مەتاللۋرگيا، حيميا ونەركاسىبى جانە ت. ب. سالالاردا $1,8 ميلليارد سوماسىنا 9 بىرلەسكەن ءىرى جوبا ىسكە اسىرىلىپ جاتىر.
$2,8 ميلليارد سوماسىنا 9 جوبا پىسىقتاۋ ساتىسىندا تۇر. بيىلعى 11 ايدا قازاقستان مەن رەسەي ارقىلى ورتالىق ازيا، ەۋروپا، قيىر شىعىس باعىتتارىندا 733,2 مىڭ ج ف ە تاسىمالداندى، بۇل 2020-جىلدىڭ سايكەس كەزەڭىندەگى كورسەتكىشتەن %30,7 عا ارتىق. قىتاي - ەۋروپا - قىتاي باعىتىنداعى ترانزيتتىك كونتەينەرلىك تاسىمالدار كولەمى 602,2 مىڭ ج ف ە (%31) قۇرادى. ەكى ەلدىڭ قورشاعان ورتانى قورعاۋ جانە تابيعي رەسۋرستاردى ۇتىمدى پايدالانۋ سالاسىنداعى ىنتىماقتاستىعى قارالدى.
ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ پەن ر ف تابيعي رەسۋرستار جانە ەكولوگيا ءمينيسترى الەكساندر كوزلوۆتىڭ باياندامالارى تىڭدالدى. جايىق جانە ەرتىس ترانسشەكارالىق وزەندەرى باسسەيندەرىنىڭ ەكوجۇيەلەرىن ساقتاۋ جونىندەگى باعدارلامالار اياسىندا جۇمىستى سينحرونداۋ ماسەلەلەرىنە ەرەكشە نازار اۋدارىلدى.
كەلىسسوزدەر قورىتىندىسى بويىنشا «باتىس ەۋروپا - باتىس قىتاي» حالىقارالىق كولىك مارشرۋتىندا موتور وتىنى رەتىندە تابيعي گازدى پايدالانۋدىڭ وندىرىستىك-وتكىزۋ ينفراقۇرىلىمىن دامىتۋ سالاسىنداعى ىنتىماقتاستىق تۋرالى مەموراندۋمعا، اتالعان كولىك ءدالىزى مەن «مەريديان» اۆتوموبيل جولىنىڭ اۆتوجول ينفراقۇرىلىمىن دامىتۋ جونىندەگى 2021-2030-جىلدارعا ارنالعان بىرلەسكەن ءىس-قيمىل جوسپارىنا قول قويىلدى.
قازاقستان-رەسەي مەملەكەتتىك شەكاراسى ارقىلى اۆتوموبيل وتكىزۋ پۋنكتتەرىن دامىتۋدىڭ 2021-2025 -جىلدارعا ارنالعان جول كارتاسى قابىلداندى. «QazTrade « ا ق» ەكسپورتتى ىلگەرىلەتۋ جونىندەگى قازاقستاندىق وپەراتور «رەسەي ەكسپورتتىق ورتالىعى» ا ق- مەن جانە Ozon ماركەتپلەيسىمەن ىنتىماقتاستىق تۋرالى مەموراندۋمدار جاساستى.
ا. مامين جۇمىس ساپارى اياسىندا «سكولكوۆو» قورىنىڭ ءتوراعاسى اركادي دۆوركوۆيچپەن، «سبەربانك» جاق باسقارما ءتوراعاسى گەرمان گرەفپەن، «ر ت ج» ا ا ق باسقارما ءتوراعاسى ولەگ بەلوزەروۆپەن ەكى ەلدىڭ سيفرلىق، قارجى-بانك جانە تەمىرجول سالالارىنداعى ءوزارا ءىس-قيمىلىنىڭ وزەكتى ماسەلەلەرىن تالقىلادى.
رەسەي تىكەلەي ينۆەستيتسيالار قورىنىڭ باس ديرەكتورى كيريلل دميتريەۆپەن كەزدەسۋدە ينۆەستيتسيالىق ىنتىماقتاستىقتىڭ جانە وڭدەۋ ونەركاسىبىندەگى (فارماتسيەۆتيكا، ماشينا جاساۋ، مەتالل وڭدەۋ، حيميا ونەركاسىبى جانە ت. ب.) بىرلەسكەن جوبالاردى ىسكە اسىرۋدىڭ جاي-كۇيى مەن پەرسپەكتيۆالارى، سونداي-اق ەكىجاقتى فورماتتا جانە ەاەو شەڭبەرىندە ساۋدانى كەڭەيتۋ ماسەلەلەرى قارالدى.
«روسكوسموس» مەملەكەتتىك كورپوراتسياسىنىڭ باس ديرەكتورى دميتري روگوزينمەن كەزدەسۋدە عارىش سالاسىنداعى ىنتىماقتاستىق جوبالارى تالقىلاندى.
جۇمىس ساپارىنا ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى - ا ح ق و باسقارۋشىسى قايرات كەلىمبەتوۆ، ق ر- نىڭ ر ف- داعى ەلشىسى ەرمەك كوشەربايەۆ، ساۋدا جانە ينتەگراتسيا ءمينيسترى باقىت سۇلتانوۆ، ەنەرگەتيكا ءمينيسترى ماعزۇم مىرزاعاليەۆ، ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ، سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين، يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك قامالييەۆ، اقتوبە وبلىسىنىڭ اكىمى وڭداسىن ورازالين، باتىس قازاقستان وبلىسىنىڭ اكىمى عالي ەسقاليەۆ جانە ت. ب. قاتىستى.
