21:13, 20 - جەلتوقسان 2021 | GMT +5
دانيار ەلەۋسىنوۆ الەم چەمپيونى اتانعاننان كەيىن باتىل مالىمدەمە جاسادى
نۇر-سۇلتان. قازاقپارات - قازاقستاندىق دانيار ەلەۋسىنوۆ (11-0، 6 ك و) نۇر-نۇلتاندا وتكەن بوكس كەشىندە جارتىلاي ورتا سالماقتاعى IBO بەلبەۋىن جەڭىپ العاننان كەيىن الدىنا جاڭا ماقسات قويدى، دەپ حابارلايدى Vesti.kz.
30 جاستاعى ەلەۋسىنوۆ ارگەنتينالىق حۋان ەرنان لەاونى (15-2، 4 ك و) جەڭىپ، قازاقستاندىق كاسىپقويلاردان بەسىنشى بولىپ الەم چەمپيونى اتانعان بوكسشى رەتىندە تاريحقا كىردى.
«تاۋەلسىزدىگىمىزدىڭ 30 جىلدىق مەرەيتويىنا ارنالعان بوكس كەشى ءوتىپ كەتتى… مەنى قولداپ، جانكۇيەر بولعاندارىڭىز ءۇشىن مىڭ العىس. ەندى باسقا دا بەلبەۋلەردى قوسىپ الاتىن ماقسات الدا… بارشا ۇيىمداستىرۋشىلارعا راحمەت ايتامىن!»، - دەپ جازىپتى دانيار Instagram جەلىسىندە.
