قازاقستان مەن رەسەي اراسىنداعى عىلىمي ىنتىماقتاستىق تەرەڭدەي ءتۇستى - رەسەيلىك عالىم
بۇل تۋرالى رەسەي عىلىم اكادەمياسى شىعىس تانۋ ينستيتۋتىنىڭ اعا عىلىمي قىزمەتكەرى يگور ساۆين ايتتى، دەپ حابارلايدى قازاقپارات ءتىلشىسى.
«ارىپتەستەرىمنىڭ كوپشىلىگى اتاپ وتكەندەي، وتكەن جىل قيىن ءارى عىلىمي ءوندىرىس ءۇشىن بارىنشا ءساتسىز بولدى. ەركىن ساپارلاۋ، ەكسپەديتسياعا شىعۋ مۇمكىنشىلىگى تىيىلدى. ۋاعدالاسىپ قويعان بىرنەشە كونفەرەنسيانى وتكىزۋ رەجيمى بۇزىلدى. دەگەنمەن، ونىڭ ءبارىن تەز ارادا ونلاين رەجيمگە كوشىرە الدىق. 2020-جىلعى ەكسپەديتسيالار 2021-جىلعا اۋىستىرىلدى. وسى جىلدىڭ تامىزىندا وڭتۇستىك قازاقستاندا وتكەن ەكسپەديتسياعا قاتىسۋ مۇمكىندىگىنە يە بولدىم. سىن-تەگەۋىرىندەر مەن سول ءبىر فاكتورلاردىڭ، سوڭعى جىلدارى تۋىنداعان كوپتەگەن سۇراقتاردىڭ ارقاسىندا ىنتىماقتاستىعىمىزدىڭ تەرەڭدەي تۇسكەنىن اتاپ وتكەن ءجون. بۇعان دەيىن تالقىلانباعان جاڭا تاقىرىپتار مەن ادىستەر تۋىنداپ جاتىر»، - دەدى ول Sputnik قازاقستان اقپارات اگەنتتىگىنىڭ Facebook پاراقشاسىندا وتكەن ۆيدەوكوپىر بارىسىندا.
رەسەيلىك عالىم 2021-جىلدىڭ 30- ساۋىرىندە قازاقستاننىڭ رەسەيدەگى ەلشىلىگى مەن ر ف عا شىعىس تانۋ ينستيتۋتىنىڭ باستاماسىمەن ۇلكەن كونفەرەنسيا ۇيىمداستىرىلعانىن اتاپ ءوتتى.
«سول جەردە جاڭا كەزەڭدە تۇرعانىمىز جانە جاڭا سىن-تەگەۋرىندەرگە دايىن ەكەنىمىز ايتىلدى. بۇل سىناق بارلىق ۋاقىتتا نارراتيۆتەر قالىپتاستىرۋعا وڭتايلى بولا بەرمەيدى. دەگەنمەن، قازاقستاندىق سەرىكتەستەرمەن وسى سىن-تەگەۋرىندى جاڭا كەزەڭدە دامىتۋعا كومەكتەسەتىن ادىستەر تابا الاتىنىمىزعا نەگىز بار»، - دەدى يگور ساۆين.
