ناتو رەسەي ۇسىنعان كەلىسىم جوباسىن قابىلداي ما؟
سوندا قويىپ وتىرعان باستى شارتى - اسكەري وداقتىڭ شىعىسقا قاراي كەڭەيۋىنەن باس تارتۋى. سونداي- اق ناتو شىعىس ەۋروپا، كاۆكاز جانە ورتالىق ازيا ەلدەرىندە كەز- كەلگەن اسكەري ارەكەت جاساۋدان باس تارتۋى كەرەك.
سەرگەي ريابكوۆ، رەسەي سىرتقى ىستەر ءمينيسترىنىڭ ورىنباسارى:
- باتىس ەلدەر رەسەيدىڭ ناتو- عا قويعان تاباندى تالابىن جاقسى بىلەدى. وعان سايكەس 2008 -جىلى بۋحارەستتەگى سامميتتە ۋكراينا مەن گرۋزيانى وداعىنا الۋ شەشىمىنىڭ كۇشىن جويۋى كەرەك.
الايدا ناتو رەسەيدىڭ بۇل ۇسىنىسىن قابىلدايتىن ءتۇرى جوق. ۇيىمنىڭ باس حاتشىسى يەنس ستولتەنبەرگ ناتو- نىڭ وزگە ەلدەرمەن قارىم- قاتىناس ماسەلەسىن بوتەن جاق شەشپەيتىنىن مالىمدەدى.
يەنس ستولتەنبەرگ، ناتو ۇيىمىنىڭ باس حاتشىسى:
- رەسەيدىڭ جاقىندا جاساعان ۇسىنىستارىن الدىق. رەسەيمەن كەز- كەلگەن ديالوگ ەۋروپاداعى قاۋىپسىزدىك جونىندە نەگىزگى قاعيداتتار مەن قۇجاتتارعا نەگىزدەلىپ، ۋكراينا سەكىلدى وداقتاستارىمىزبەن كەڭەسە وتۋگە ءتيىس. ەگەر رەسەي شيەلەنىستى شەشۋگە باعىتتالعان، ناقتى قادامدار قابىلداسا، ءوزارا سەنىم شارالارىن كۇشەيتۋ بويىنشا ەڭبەك اتقارۋعا دايىنبىز.
