ەلوردا تۇرعىندارى قاندالادان قۇتىلۋدىڭ امالىن تاپپاي وتىر
تۇرعىندار وسىلاي دەپ دابىل قاعۋدا. ماماندار بۇنى جالعا بەرىلەتىن پاتەردىڭ كوپتىگىمەن بايلانىستىرادى. 5 قاندالا كوزگە كورىنىپ تۇرسا، تاعى 95 ءسى جاسىرىن ءجۇر دەگەن ءسوز. ەلورداداعى پاتەرلەردىڭ ءبىرىن زالالسىزداندىرۋعا كەلگەن دەزينسەكتورلار وسىلاي دەيدى.
دارحان مانابايەۆ - دەزينسەكسيالىق كومپانيانىڭ تەحنيكالىق مامانى:
- ادامدار قاندالانانى وزدەرى ۋلاۋعا تىرىسادى. ءبىراق بۇل بىردەن جويىلاتىن جاندىك ەمەس. قاندالانى جاي عانا ۋلاعىش زات سەۋىپ ولتىرە المايسىز. تەك جان- جاققا تاراتىپ جىبەرەسىز. ونىڭ جۇمىرتقاسى توسەكتە، جيھازدا قالىپ قويسا، ون شاقتى كۇندە قاندالا قايتا شىعادى.
ايبارشا دۇيسەنباي قىزى، نۇر- سۇلتان قالاسىنىڭ سانيتارلىق- ەپيدەميولوگيالىق دەپارتامەنتىنىڭ باس مامانى:
- تۇرعىندار بىردەن «قاندالا ۇيدە بار» دەپ ايتۋعا جاسقانادى. كورشىلەرىنەن ۇيالادى. سوندىقتان الادى دا جاسىرىن تۇردە دەزۇيىممەن بايلانىسادى دا تەك ءوز ۇيىنە جاسايدى. بۇل ءوز ۇيىنە جاسادى دەگەن ءسوز ول جان- جاقتىڭ بارىنە قاندالانى جىبەردى دەگەن ءسوز. ەدەندەگى، قابىرعاداعى جارىقتار ارقىلى كەلەسى پاتەرگە وتەدى ول. كەلەسى پاتەردە قاندالا بولادى. ول كورشى ەشكىمگە ايتپاي وزىنە جاسايدى.
توسەك قاندالاسى توعىز اي ءومىر سۇرەدى. ءبىراق وسى ارالىقتا جاندىكتىڭ انالىعى 500-گە جۋىق جۇمىرتقا سالا الادى. ونىڭ تەز تارالاتىنىن وسىدان- اق بەلگىلى. سوندىقتان ۇيدە قاندالانى بايقاساڭىز، بىردەن زالالسىزداندىرۋ قىزمەتىن شاقىرعان ءجون.
ازامات ءسابيتوۆ، دەزينسەكسيالىق كومپانيانىڭ تەحنيكالىق ديرەكتورى:
- زالالسىزداندىراتىن ەرىتىندى جاندىكتەرگە قارسى بەلسەندى زاتتاردان تۇرادى. ادامعا قاۋىپسىز بولۋى ءۇشىن ونى سۋمەن ارالاستىرامىز. مىنا جەردە ءتورتىنشى ساناتتاعى حيميالىق زات. ياعني ەڭ قاۋىپسىز. دەگەنمەن ەرىتىندىنى دۇرىس دايىنداۋ ماڭىزدى. سوندىقتان ازاماتتارعا وزدىگىنەن ءۇيدى زالالسىزداندىرماۋعا شاقىرامىن.
ريەلتورلاردىڭ حابارلاۋىنشا، ەلورداداعى پاتەرلەردىڭ 30 پروتسەنتىندە قاندالا بار. ءبىراق سانيتارلىق قىزمەت وكىلدەرى بۇل اقپاراتتى جوققا شىعاردى.
ايبارشا دۇيسەنباي قىزى، نۇر- سۇلتان قالاسىنىڭ سانيتارلىق ەپيدەمولوگيالىق دەپارتامەنتىنىڭ باس مامانى:
- قالاداعى تۇرعىن ۇيلەردىڭ 30-35 پروتسەنتىندە قاندالا قاپتاعان دەگەن اقپارات شىعىپ جاتىر. وعان مەن كەلىسپەيمىن. بىزدە ونداي ستاتيستيكا جوق.
دەزينسەكتورلار دا رەسمي ۇيىمنىڭ ايتقانىمەن كەلىسەدى. ءبىراق قاندالانىڭ تارالۋى قارقىنى الاڭداتاتىنىن ايتادى.
ازامات ءسابيتوۆ، دەزينسەكتسيالىق كومپانيانىڭ تەحنيكالىق ديرەكتورى:
- پروبلەما بار جانە بۇل كۇردەلى ماسەلە بولىپ تۇر. قاندالامەن كۇرەسۋ ءۇشىن جان- جاقتى شارا قولدانۋ كەرەك. مىسالى ابۋ- دابيدە ادام تۇراتىن عيماراتتا جاپپاي دەزينسەكسيا جاسالادى. مامانداردىڭ ايتۋىنشا، قاندالا جىلۋدى ۇناتپايدى. جاندىك 54-56 گرادۋستا ولەدى. سوندىقتان دەزينسەكتورلار ءۇيدى زالالسىزداندىرعاننان كەيىن زاتتاردى تەرميالىق وڭدەۋ جاساعان ءجون. ال كيىم- كەشەكتى 60 گرادۋس تەمپەراتۋراداعى سۋمەن جۋۋ كەرەك.
www.24.kz
