قازاق قوعامىنداعى «ايەل» ءرولى
ەجەلدەن تاريحتا ءدال وسى قىز تاعدىرىنا بايلانىستى وشپەس تاڭبالارى قالعان وقيعالاردى شابىتتانا بەينەلەپ جانە اقيقاتتىڭ قوزعاپ، قاعاز بەتىنە تۇسىرگەن ۇلى قالامگەرلەرىمىزدىڭ شىعارمالارىنىڭ ءوزى سول زاماندا دا قاراگوز جەرىمىزدىڭ تاعدىرلىق ماسەلەلەرىنىڭ وتە كۇردەلى بولعاننىڭ كورىنىسى.
ەسكى كوزقاراسپەن دۇنيەتانىمنىڭ دامىماعاندىعىنان، ، ايەلدىڭ ورنى قازان- وشاقپەن بالا تاربيەسىنىڭ قاراماعىندا«- دەپ سوقىر ويدىڭ جەتەگىندە جۇرگەن جاندار ءۇشىن كۇيىنەمىن.
قازاقستاننىڭ دامىعان كوشباسشى مەملەكەتكە اينالۋى ءۇشىن جاساعان تاۋەكەلدى قۇرباندىعى ناتيجەسىندە قازىرگى تاڭدا ءوسىپ ورلەۋ دارەجەسى ارتتى. سول سەكىلدى وتكەن زاماننىڭ تۇسىنىگىمەن قازىرگى ريەۆاليۋتسيلارعا توتەپ بەرۋ ءارى بولاشاقتى ەلەستەتۋ مۇمكىن ەمەس.
ەر اداممەن ايەل بالاسىن سالىستىرۋلار ناتيجەسىندە تۋىنداپ، اسا زور وزەكتىلىككە يە بولعان پروبلەمالار تەك ءبىزدىڭ قوعامدا ەمەس بۇكىل الەمدە بەلەڭ الۋدا. سونىمەن قاتار ءار مەملەكەتتىڭ بۇل داعدارىستان شىعۋ جولدارى مەن تاسىلدەرى سان الۋان.
ەركىندىگىمىزدەن ايىرىلىپ، وزگە ەلگە بوداۋلانعانداعى ەل تاعدىرىمەن قازىرگى جارقىن بولاشاققا باستاۋ العان دەربەس مەملەكەتتىڭ جاعدايىن سالىستىرۋ مۇمكىن ەمەس. سول سەكىلدى قولىنا قارۋىن اسىنىپ وشپەس ەرلىك جاساعان نەمەسە ۇيىندە ورامالىن جامىلىپ جاۋ تىلىندە قالعان قىزعالداقتاردىڭ زامان ەزگىسىنە بايلانىستى ءومىر سۇرۋىمەن جارقىن بولاشاققا قادام باسىپ، ارمان ماقساتتارىنا جەتۋگە تىرىسقان جانە ءوز دارەجەسى مەن قادىرىن باعالاعان قىزداردى سالىستىرۋ ادىلەتسىز. بارشاعا ۇلگى اپكە- اپالارىمىزدىڭ تاربيەلىك باعىتتان ەمەس ءومىر سۇرۋدەگى ماقساتتارىندا ايىرماشىلىعى بار زاماناۋي قازاق قىزدارىنىڭ جاڭاشىل ارەكەتتەرىنە ۇنەمى سىني كوزقاراسپەن قاراۋ دۇرىس پا؟
ارينە، قازىرگى تاڭدا وكىنىشكە وراي تاربيەلىلىك پەن زاماناۋيلىقتىڭ تىزگىنىن قاتار ۇستاي الماي، مۇلدەم وزگە باعىتقا تاعدىرىن بۇرعان جاستارىمىز دا جوق ەمەس. مەنىڭ پىكىرىمشە، مۇنداي وقيعالاردىڭ تۋىنداۋىنىڭ سەبەپتەرى ءار ءتۇرلى. مىسالى، جاڭا ومىرگە نىق قادام باسىپ، ءوزىنىڭ قاجىرلى ەڭبەگى ارقىلى مانسابى مەن مولشىلىعىن ارتتىرعىسى كەلگەن جاس قىزداردىڭ بۇل بەت الىسىنا قورشاعان ورتاداعى ادامدار تاراپىنان ايتىلعان تەرىس پىكىرلەر مەن قاتتى سىناۋ اسەرىنەن پسيحولوگيالىق قيىندىقتاردىڭ جيىنتىعى وسىنداي وقيعاعا الىپ كەلۋى ابدەن مۇمكىن.
ادامدى جىنىسقا ءبولىپ باعالاۋ مەن ولاردىڭ بىرەۋىنىڭ مۇمكىندىكتەرىن شەكتەۋ قانشالىقتى ادىلەتتى؟
مەنىڭ ويىمشا، قازىرگى ۋاقىتتا ايەلدەر ەرلەردەن وزىق جەتىستىككە جەتە باستاۋى، ويلاۋى تاياز ادامدار تاراپىنا اۋىر تيۋدە.
ءبىر ساتكە ومىرگە شىنايى كوزقاراسپەن قاراپ، نازىك جاندىلاردىڭ مۇمكىنشىلىگىن مويىنداۋ جانە قازاق ايەلدەرىنەن دە دارەجەسى جوعارى ازامتشالاردىڭ شىعۋىنا قۋانا وتىرىپ ۇلەس قوسۋ وتە ماڭىزدى.
ءومىرىڭنىڭ كىرلەنبەگەن اق پاراعىنا قانداي ورنەك سىزارىڭ تەك وزىڭە ءمالىم. بۇل زاڭدىلىق ەشقاشان ەر- ايەل، دەپ بولىنگەن ەمەس.
اقپارات دەرەككوزى: massaget.kz
