سويدىڭ قىزمەتىنەن نە ءۇشىن كەتكەنى بەلگىلى بولدى
الەكسەي ۆلاديميروۆيچ باسقا قىزمەتكە اۋىسۋىنا بايلانىستى ءوز ەركىمەن جۇمىسىنان كەتتى.
الەكسەي سوي قىزمەتتەن كەتۋىنە بايلانىستى مالىمدەمە جاسادى.
«بۇگىن مەنىڭ ازاماتتىق سەكتورعا ءوتۋ جانە دەنساۋلىق ساقتاۋ سالاسىن دامىتۋعا عىلىم مەن الەۋمەتتىك باستامالار ارقىلى ۇلەس قوسۋ تۋرالى شەشىمىم قولداۋ تاپتى» دەپ جازدى مينيستر.
ونىڭ ايتۋىنشا، مەملەكەت باسشىسى COVID-19 بويىنشا جاعدايدى تۇراقتاندىرۋدى، دەنساۋلىق ساقتاۋ جۇيەسىنىڭ الەۋەتىن ارتتىرۋدى تاپسىرعان.
«ءبىز ەپيدەميولوگيالىق قاۋىپ- قاتەرلەردى جاقسارتۋ ءۇشىن جاعداي جاسادىق: ءار وڭىردە جاڭا ينفەكسيالىق اۋرۋحانالار سالىندى، جەدەل جاردەم پاركتەرى، جىلجىمالى مەديتسينالىق كەشەندەر جاڭارتىلدى، وتاندىق فارماتسەۆتيكا ونەركاسىبى ونىمدىلىكتىڭ جوعارى دەڭگەيىنە جەتتى، دارىلىك زاتتار مەن مەديتسينالىق بۇيىمداردىڭ قاجەتتى قورى قۇرىلدى، سەس جانە زەرتحانالىق قىزمەتتەردىڭ الەۋەتى ارتتى، QazVac ۆاكسيناسى شىعارىلدى جانە ت. ب. ەل باسشىلىعىنا، پرەزيدەنت اكىمشىلىگىنە، پرەمەر-مينيسترگە، ۇكىمەتتەگى ارىپتەستەرىمە، دەنساۋلىق ساقتاۋ مينيسترلىگىنە، بارلىق جەرگىلىكتى اتقارۋشى ورگاندارعا، ازاماتتىق سەكتورعا، ب ا ق-قا، ەرىكتىلەرگە، ۇكىمەتتىك ەمەس ۇيىمدارعا جانە مەديتسينا قىزمەتكەرلەرىنە سەنىم بىلدىرگەنى جانە قازاقستان حالقىنىڭ يگىلىگى ءۇشىن بىرلەسىپ اتقارعان وراسان زور جۇمىسى ءۇشىن العىسىمدى بىلدىرگىم كەلەدى»، - دەلىنگەن الەكسەي سويدىڭ مالىمدەمەسىندە.
