الداعى ءۇش تاۋلىكتە كۇن رايى قۇبىلمالى بولادى

نۇر-سۇلتان. قازاقپارات - 21-23-جەلتوقسان كۇندەرى قازاقستانعا سولتۇستىك- باتىس سيكلونى مەن اتموسفەرالىق فرونتالدى بولىمدەر اسەر ەتەدى.

سونىڭ ىقپالىنان بۇرىنعىسىنشا اۋا رايىنىڭ تۇراقسىز سيپاتى ساقتالادى، جاڭبىر مەن قار (وڭتۇستىكتە نەگىزىنەن جاڭبىر) جاۋادى، دەپ حابارلايدى قازاقپارات.

رەسپۋبليكا بويىنشا تۇمان، كوكتايعاق، سونداي- اق 15-25 م/س جىلدامدىقپەن ەكپىندى جەل، ەلدىڭ سولتۇستىك جارتىسىندا بۇرقاسىن كۇتىلەدى. 23-جەلتوقسانعا جاقىن، قارا تەڭىز اۋداندارىنان انتيسيكلون شىعارىلادى - اۋا تەمپەراتۋراسىنىڭ تومەندەۋى كۇتىلەدى: باتىستا تۇندە اۋا تەمپەراتۋراسى 8-23 گرادۋس، كۇندىز 5-15 گرادۋس، سولتۇستىكتە، شىعىستا جانە ورتالىقتا تۇندە 5-15 گرادۋس، كۇندىز 0-8 گرادۋس، وڭتۇستىك جانە وڭتۇستىك- شىعىس جارتىسىندا تۇندە -5 جانە +5 گرادۋس، كۇندىز 0 جانە +10 گرادۋس بولادى.