11:24, 20 - جەلتوقسان 2021 | GMT +5
نۇر-سۇلتاندا بانكوماتتان اقشا ۇرلادى دەگەن كۇدىكپەن ينكاسساتور ۇستالدى
نۇر-سۇلتان. قازاقپارات - ەسىل اۋداندىق كريمينالدىق پوليتسيا باسقارماسىنىڭ قىزمەتكەرلەرى جەدەل-ىزدەستىرۋ ءىس-شارالارىنىڭ بارىسىندا 27 جاستاعى ەر ادامدى ۇستادى، دەپ حابارلايدى قالالىق پ د باسپا ءسوز قىزمەتى.
ونىڭ بۇرىن قىلمىستىق جاۋاپكەرشىلىككە تارتىلعانى انىقتالدى. تەرگەۋ بارىسىندا كۇدىكتىنىڭ ينكاسساتور بولىپ جۇمىس ىستەپ، تەرمينالدان اقشا جيناعانى انىقتالدى.
جۇمىستان شىققان ول اۆتوماتتاردىڭ ءبىرىنىڭ كىلتىن بەرمەي كەتكەن.
كەشكى ۋاقىتتا ول Magnum سۋپەرماركەتىنە كەلگەن. تەرمينالعا جاقىنداعان ول قۇرىلعىنى كىلتپەن اشىپ، 3800000 تەڭگە اقشانى العان. سوسىن بايقاتپاي اقشانى سومكەگە سالىپ، بەلگىسىز جاققا كەتىپ قالعان. ۇرلىق بويىنشا قىلمىستىق ءىس قوزعالىپ، تەرگەۋ امالدارى جۇرگىزىلۋدە.
