نۇر- سۇلتان قالاسىندا ەلىمىزدىڭ باس شىرشاسىنىڭ شامى جاعىلدى

نۇر- سۇلتان. قازاقپارات - كەشە ەلوردادا ەلىمىزدىڭ باس شىرشاسىنىڭ شامى جاعىلدى، دەپ حابارلايدى قازاقپارات ءتىلشىسى.

باس شىرشا ەكسپو كورمەسىنىڭ اۋماعىندا ورناتىلدى. ونىڭ بيىكتىگى - 25 مەتر. اتالعان ءراسىمدى تاماشالاۋعا ەلوردا تۇرعىندارى مەن قوناقتارى كەلدى. جاڭاجىلدىق ءىس- شارا تانىمال ارتىستەردىڭ قاتىسۋىمەن كونسەرتتىك باعدارلاماعا ۇلاستى.

ايتا كەتەيىك، بىلتىر ەلوردادا ەلىمىزدىڭ باس شىرشاسىنىڭ شامى 22-جەلتوقساندا جاعىلعان ەدى. وسى ورايدا تۋرستات ت م د ەلدەرى استانالارىنداعى ەڭ بيىك شىرشالاردىڭ رەيتينگىسىن جاسادى. جاڭاجىلدىق شىرشانىڭ بيىكتىگى بويىنشا العاشقى بەستىككە ت م د ەلدەرىنىڭ استانالارىنان اشحاباد (41 مەتر)، تاشكەنت (36 مەتر)، مينسك (30 مەتر)، نۇر- سۇلتان (25 مەتر) جانە بىشكەك (25 مەتر) كىرگەن. رەسەي ماسكەۋدەگى كرەمل الاڭىنا 25 مەترلىك ءتىرى شىرشا ورناتقان.