جەكسەنبىدە ەل اۋماعىندا جەل كۇشەيىپ، قاتتى بوران سوعادى
سولتۇستىك-باتىس سيكلوننىڭ اسەرىنەن قازاقستاننىڭ باسىم بولىگىندە جاڭبىر مەن قار جاۋادى، ەلدىڭ وڭتۇستىگىنىڭ تاۋلى اۋداندارىندا قاتتى جاۋىن-شاشىن تۇسەدى.
رەسپۋبليكانىڭ تەك وڭتۇستىك-شىعىسى مەن شىعىسى جوعارى اتموسفەرالىق قىسىمنىڭ اسەرىندە بولادى، سوندىقتان جاۋىن-شاشىنسىز اۋا رايى ساقتالادى.
ەلىمىزدىڭ كەي جەرلەرىندە جەل كۇشەيىپ، تۇمان، كوكتايعاق، جاياۋ بۇرقاسىن سوعادى. تۇندە تۇركىستان وبلىسىنىڭ سولتۇستىگىندە تۇمان تۇسەدى، تاڭەرتەڭ جانە كۇندىز وڭتۇستىگىندە، باتىسىندا، تاۋلى اۋدانداردا جەلدىڭ كۇشى - 15-20، تاۋلى اۋدانداردا - 23-28، تاۋلى اسۋلاردا 30 م/س جەتەدى.
جامبىل وبلىسىنىڭ سولتۇستىگىندە، تاۋلى اۋداندارىندا تۇمان تۇسەدى، كوكتايعاق بولادى. وبلىستىڭ وڭتۇستىك-باتىسىندا سەكۋندىنا 23-28 مەتر، كەيدە 30 م/س جانە ودان دا قاتتى جىلدامدىقپەن جەل سوعادى.
الماتى وبلىسىنىڭ الاكول كولدەرى اۋدانىندا جەل قارقىنى 25 م/س دەيىن كۇشەيەدى.
اقمولا وبلىسىنىڭ سولتۇستىگىندە، شىعىسىندا - تۇمان، كوكتايعاق، جاياۋ بۇرقاسىن بولادى. كۇندىز وبلىستىڭ شىعىسىندا جەل ەكپىنى - 15-20 م/س.
سولتۇستىك قازاقستان وبلىسىنىڭ باتىسىندا، شىعىسىندا جانە وڭتۇستىگىندە جاياۋ بۇرقاسىن سوعادى، تۇمان، كوكتايعاق كۇتىلەدى. كۇندىز وبلىستىڭ شىعىسىندا جەلدىڭ جىلدامدىعى 15-20 م/س جەتەدى.
تۇندە قاراعاندى وبلىسىنىڭ باتىسىندا، كۇندىز سولتۇستىگىندە، شىعىسىندا، ورتالىعىندا كوكتايعاق، كۇندىز شىعىسىندا جانە ورتالىعىندا جەلدىڭ كۇشى 15-20 م/س شاماسىندا بولادى.
قوستاناي وبلىسىنىڭ وڭتۇستىگىندە - جاياۋ بۇرقاسىن، كوكتايعاق، تۇمان، جەل قارقىنى - 15-20 م/س. تۇندە اقتوبە وبلىسىنىڭ سولتۇستىگىندە كوكتايعاق بولادى، كۇندىز وبلىستىڭ سولتۇستىگىندە جەل ەكپىنى 18 م/س دەيىن كۇشەيەدى.
اتىراۋ وبلىسىنىڭ باتىسى مەن ورتالىعىندا، ماڭعىستاۋ وبلىسىنىڭ سولتۇستىگىندە، سولتۇستىك- باتىسىندا تۇمان ءتۇسىپ، كوكتايعاق بولادى.
باتىس قازاقستان وبلىسىنىڭ سولتۇستىگىندە، سولتۇستىك-شىعىسىندا كوكتايعاق كۇتىلەدى.
پاۆلودار وبلىسىنىڭ سولتۇستىگىندە، باتىسىندا، قىزىلوردا وبلىسىنىڭ سولتۇستىگىندە جانە ورتالىعىندا تۇمان تۇسەدى.
