بوران، جەل، كوكتايعاق: سەنبىگە ارنالعان اۋا رايى بولجامى
قازاقستاننىڭ باتىسى، سولتۇستىك-باتىسى، سولتۇستىگىندە سولتۇستىك-باتىس تسيكلونى ىقپالىمەن جاڭبىر مەن قار جاۋادى، جاياۋ بۇرقاسىن سوعادى.
رەسپۋبليكانىڭ قالعان اۋماعىندا انتيتسيكلون اسەرىمەن جاۋىن-شاشىن جاۋمايدى. ەلدىڭ كەي جەرلەرىندە جەل كۇشەيىپ، تۇمان تۇسەدى، كوكتايعاق بولادى.
اقمولا وبلىسىنىڭ سولتۇستىك-باتىسى مەن وڭتۇستىك-شىعىسىندا كوكتايعاق كۇتىلەدى، تۇندە وبلىستىڭ شىعىسىندا جەل ەكپىنى 15-20 م/س دەيىن كۇشەيەدى.
سولتۇستىك قازاقستان وبلىسىنىڭ باتىسى، وڭتۇستىگى، سولتۇستىگىندە جاياۋ بۇرقاسىن كوتەرىلەدى، تۇمان ءتۇسىپ، كوكتايعاق بولادى.
پاۆلودار وبلىسىنىڭ سولتۇستىگى، باتىسىندا تۇمان تۇسەدى، كوكتايعاق بولادى، تۇندە وبلىستىڭ وڭتۇستىگىندە جەلدىڭ كۇشى - 15-20 م/س شاماسىندا.
قوستاناي وبلىسىنىڭ سولتۇستىگىندە تۇمان ءتۇسىپ، كوكتايعاق بولادى.
شىعىس قازاقستان وبلىسىنىڭ باتىسىندا جەل جىلدامدىعى 15-20 م/س جەتەدى، جەلمەن بىرگە جاياۋ بۇرقاسىن سوعادى.
اتىراۋ وبلىسىنىڭ باتىسىندا، كۇندىز باسىم بولىگىندە - كوكتايعاق، وبلىستىڭ باتىسى، سولتۇستىگى مەن ورتالىعىندا تۇمان تۇسەدى.
باتىس قازاقستان وبلىسىنىڭ سولتۇستىگى، سولتۇستىك-شىعىسىندا، اقتوبە وبلىسىنىڭ وڭتۇستىك-باتىسى، وڭتۇستىگىندە تۇمان، كوكتايعاق، باتىس قازاقستان وبلىسىندا - جاياۋ بۇرقاسىن كوتەرىلەدى.
قىزىلوردا وبلىسىنىڭ سولتۇستىگىندە، قاراعاندى وبلىسىنىڭ وڭتۇستىگىندە، جامبىل وبلىسىنىڭ سولتۇستىگىندە، تاۋلى اۋداندارىندا، تۇندە تۇركىستان وبلىسىنىڭ تاۋلى اۋداندارىندا تۇمان تۇسەدى.
جامبىل وبلىسىنىڭ تاۋلى اۋداندارىندا جەل قارقىنى - 15-20 م/س.
الماتى وبلىسىنىڭ الاكول اۋدانىندا جەل ەكپىنى 25 م/س دەيىن كۇشەيەدى.
